سپيكەردىڭ سوزىنشە مارافوننىڭ مارشرۋتى استانانىڭ سول جاعالاۋىنداعى باستى كوشەلەردى قامتيدى.
– سپورتتىق شاراعا شىۇ مۇشە ءاربىر مەملەكەتتەن جالپى 30 كاسىبي سپورتشىنى تارتۋ كوزدەلگەن. ولار, ءۇش ءتۇرلى قاشىقتىقتا باقتارىن سىنايدى: 42كم 195م, 10كم, جانە 2017 مەتر. شەتەلدەن كەلەتىن قاتىسۋشىلار سانى 1000 ادامدى قۇراپ وتىر. قازاقستاندىق تاراپتان 4000 ادام قاتىسادى دەپ كۇتىلۋدە. مارافونعا قاتىسۋشىلاردىڭ جالپى سانى 5000 ادام, - دەدى ە.قاناعاتوۆ.
سونىمەن قاتار, ءباسپاسوز ءماسليحاتىندا مارافون باعىتى, مارافونعا تىركەلەتىن سايت مەكەن-جايى, جارنامالىق كومپانيا جانە باسقا دا جاسالىپ جاتقان جۇمىستار تۋرالى ايتىلدى.
– قازىرگى تاڭدا قىتايدا مارافوندى جارنامالاۋ جۇمىستارى قارقىندى ءجۇرىپ جاتىر. 10 شىلدەدە People’s Daily New Media «جەنمين جيباو» ۇلتتىق سايتىنىڭ عيماراتىندا حالىقارالىق استانا مارافونىن وتكىزۋگە بايلانىستى ءباسپاسوز-كونفەرەنتسياسى ۇيىمداستىرىلعان بولاتىن. قىتاي استاناسىنداعى كەزدەسۋ ۇستىمىزدەگى جىلدىڭ 22 مامىرىندا قر مادەنيەت جانە سپورت مينيسترلىگى, قر جەڭىل اتلەتيكا فەدەراتسياسى مەن «شانحە» يۋننان مادەنيەت جانە سپورت كومپانياسى اراسىندا ءوتتى, - دەدى سپيكەر.
ايتا كەتەيىك, وسى جىلى ازياداعى ءوزارا ىقپالداستىق جانە سەنىم شارالارى جونىندەگى كەڭەسكە 25 جىل تولىپ وتىر. وسى اتاۋلى داتانى حالىقارالىق مارافونمەن بىرگە اتاپ ءوتۋ قاجەت دەگەن شەشىم شىعارىلدى.
استانا قالاسى دەنە شىنىقتىرۋ جانە سپورت باسقارماسىنىڭ باسشىسى بەرىك مارجىقپاەۆ 24,25, 26 تامىزدا وففلاين تىركەلۋدىڭ اشىلاتىنىن ايتتى. سونىمەن قاتار ول مارافون قارساڭىندا, قاتىسۋشىلارعا نومىرلەردى تاراتۋ شاراسى ۇيىمداستىرىلاتىنىن جەتكىزىپ, الەمگە تانىمال مارافونشىلاردىڭ شەبەرلىك كلاسى وتەتىنىن حابارلادى.
مارافوننىڭ جالپى جۇلدە قورى 22 ملن-دى قۇرايدى جانە وعان ونلاين تىركەلۋ ۇستىمىزدەگى جىلدىڭ 15-شىلدەسىندە باستالدى.
راۋان قايدار, "ەگەمەن قازاقستان"