«روحەردى ءوز باسىم جاقسى بىلەمىن. ماڭىزدى ساتتەردە قاجەت جەردەن تابىلىپ, كوماندانىڭ جەڭىسكە جەتۋىنە زور ۇلەسىن قوسادى. «ورداباسىنىڭ» دەڭگەيىن كوتەرەتىنىنە سەنىمىم مول», دەدى ستانيمير ستويلوۆ.
ايتا كەتەيىك, 27 جاستاعى جارتىلاي قورعاۋشى «استانا» ساپىندا 2014-2017 جىلدار ارالىعىندا ونەر كورسەتكەن. وسى ۋاقىت ارالىعىندا ول 91 ويىنعا قاتىسىپ, 12 گولدىڭ اۆتورى اتاندى. ەلوردالىق ۇجىممەن بىرگە ءۇش جىل قاتارىنان ەل چەمپيونى اتاندى. سونىمەن قاتار, «استانانىڭ» چەمپيوندار ليگاسى مەن ەۋروپا ليگاسىنىڭ توپتىق كەزەڭىنە شىعۋىنا ءوز ۇلەسىن قوستى.
ال وسى جىلدىڭ باسىندا كيپردىڭ اپوەل كلۋبىنا ءتورت ايعا جالعا بەرىلىپ, چەمپيوندىق اتاققا قول جەتكىزدى. شىلدە ايىندا قازاقستانعا ورالىپ, شىمكەنتتىڭ «ورداباسى» كومانداسىمەن كەلىسىمشارتقا وتىردى.
ايان ءابدۋالي, «ەگەمەن قازاقستان»