بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ «بايتەرەك» ۇلتتىق باسقارۋشى حولدينگى» اكتسيونەرلىك قوعامىنىڭ ديرەكتورلار كەڭەسىنىڭ وتىرىسىن وتكىزدى. بۇل تۋرالى primeminister.kz سايتىندا حابارلاندى.
كەڭەس بارىسىندا 2014-2018 جىلدارعا ارنالعان دامۋ جوسپارىن ىسكە اسىرۋ بارىسى جانە 2014-2023 جىلدارعا ارنالعان دامۋ ستراتەگياسى ماسەلەلەرى تالقىلاندى. بۇدان وزگە, ەىدۇ ۇسىنىمدارىن ەسكەرە وتىرىپ, ىسكەرلىك ادەپ كودەكسىنە جانە جاڭا كورپوراتيۆتىك باسقارۋ كودەكسىنىڭ جوباسىنا وزگەرىستەر قارالدى.