پولشا پرەزيدەنتى اندجەا دۋدا دۇيسەنبى كۇنى ۇكىمەتكە جوعارعى سوت سۋديالارىن زەينەتكە جىبەرۋ قۇقىعىن بەرەتىن زاڭعا ۆەتو قوياتىنىن ايتتى, - دەپ حابارلايدى CNN ءجۋرناليسى ەليزا ماكينتوش.
پولشا پارلامەنتىنىڭ قوس پالاتاسىنان وتكەن بۇل زاڭ پولشالىقتاردىڭ نارازىلىعىن تۋدىرىپ, ەل بويىنشا قارسىلىق شەرۋلەرىنە ۇلاستى.ء الى قابىلدانباعان زاڭ جوباسى بويىنشا جوعارعى سوتتىڭ قازىرگى سۋديالارى زەينەتكە كەتىپ, جاڭا سۋديالاردى ادىلەت مينيسترلىگى تاعايىنداماق. شەرۋگە شىعۋشىلار جاڭا سوت رەفورماسىنىڭ دەموكراتياعا قارسى ەكەنىن جانە سوتتىڭ تاۋەلسىزدىگىن جوياتىنىن ايتىپ وتىر. پولشالىقتارمەن قاتار, اتالمىش زاڭ جوباسىنا اقش مەملەكەتتىك دەپارتامەنتى مەن ەۋروپالىق وداق الاڭداۋشىلىق ءبىلدىردى. ناتيجەسىندە پولشا پرەزيدەنتى زاڭنىڭ ادىلەتتىك سەزىمىن نىعايتپايتىنىن ايتىپ, ۆەتو قوياتىنىن جەتكىزدى.