كوللەدج ديرەكتورى اقباي كۇشىمباەۆتىڭ ايتۋىنشا, مۇندا 2015 جىلدان بەرى رەسۋرستار ورتالىعى جۇمىس ىستەيدى. بيىل ونىڭ قابىرعاسىنان 160 جۇمىسسىز جانە ماماندىعى جوق جاندار «قۇنارلى جۇمىسپەن قامتۋ جانە كاسىپكەرلىكتى دامىتۋ» باعدارلاماسى اياسىندا ءبىلىم الىپ, جۇمىسشى ماماندىعىن مەڭگەرگەنى جونىندە ديپلوم تاپسىرىلعان. ولاردىڭ قاتارىندا نيكيتا ساۆونيۋك تا بار. ول تاجىريبەسىن كاسىپورىندا وتەپ, قىسقا مەرزىمدى كۋرستى بىتىرگەننەن كەيىن جۇمىسقا ورنالاسىپتى. سول سياقتى ورال اياپبەرگەنوۆ تە جۇمىسقا ورنالاسارىنا سەنىمدى.
بۇل وقۋ ورنىندا اسپاز, بۋحگالتەر ماماندىقتارىنا دا دايارلايدى.
«وبلىستا ء«وڭىردى دامىتۋ» باعدارلاماسى بويىنشا 11 ءبىلىم بەرۋ مەكەمەسى جۇمىسشى ماماندارىن ازىرلەيدى. بيىل بۇل ماقسات ءۇشىن جەرگىلىكتى بيۋدجەتتەن 292 ميلليون تەڭگە ءبولىندى. ستۋدەنتتەردىڭ الاڭسىز وقۋىنا بارلىق جاعداي جاسالعان. شاكىرتاقى تولەنەدى, جاتاقحانا بەرىلەدى. جۇمىسقا ورنالاستىرىلادى», دەيدى قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ مامانى جانار نۇركەباەۆا.
ءومىر ەسقالي, «ەگەمەن قازاقستان»