بيىلعى جىلدىڭ ماۋسىم ايىنان باستاپ وڭتۇستىك قازاقستان وبلىسىندا ەلگە شەتەلدىك ينۆەستيتسيالار تارتۋ جانە وسى باعىتتاعى جۇمىستى ۇيىمداستىرۋ ماقساتىندا “KAZAKH INVEST” ۇلتتىق كومپانياسى” اق وڭىرلىك وكىلدىگى جۇمىس ىستەي باستادى.
وڭىرلىك وكىلدىك وڭتۇستىك قازاقستان وبلىسىنىڭ اۋماعىندا ورنالاسقان شەتەلدىك كومپانيالاردىڭ باسشىلارىمەن, سونداي-اق ايماقتا ءوندىرىسىن باستاۋعا نيەتتى الەۋەتتى ينۆەستورلارعا قاجەتتى قولداۋ كورسەتۋ ماقساتىندا بىرقاتار كەزدەسۋلەر وتكىزدى. قازىرگى تاڭدا بىرقاتار شەتەل كومپانيالارىمەن كەلىسسوزدەر جۇرگىزىلىپ جاتىر.
ايتا كەتەيىك, «KAZAKH INVEST»-ءتىڭ نەگىزگى مىندەتى ءاربىر ينۆەستيتسيالىق جوبانى يدەيادان دايىن ءونىم شىعارۋعا دەيىن تولىق قولداۋ بولىپ تابىلادى. وڭىرلىك وكىلدىك شەتەلدىك ينۆەستورلارعا ء«بىر تەرەزە» ءپرينتسيپى ارقىلى قولداۋ ءبىلدىرىپ, كەلىسىم جانە ۆيزالىق رۇقساتتامالار الۋعا كومەكتەسەدى. سونىمەن قاتار شەتەلدىك ينۆەستورلار ءۇشىن جەرگىلىكتى جوبالاردىڭ دەرەكتەر بازاسىن قالىپتاستىرۋمەن اينالىساتىن بولادى.