«رۋساتوم — حالىقارالىق جۇيەسى» ۇيىمداستىرعان «روساتوم» مەملەكەتتىك كورپوراتسياسىنىڭ بەياتومدىق ونىمدەرى – قازاقستاننىڭ تۇراقتى دامۋىنا ارنالعان جوعارى تەحنولوگيالار» دوڭگەلەك ۇستەلىنىڭ ماقساتى قازاقستاندىق مامانداردى بەيادرولىق جانە بەيەنەرگەتيكالىق باعىتتاعى ونەركاسىپتەردىڭ ونىمدەرىمەن تانىستىرۋ.
دوڭگەلەك ۇستەلدىڭ اشىلۋىندا ءسوز العان «رۋساتوم حالىقارالىق جۇيەسى» كومپانياسىنىڭ پرەزيدەنتى الەكساندر مەرتەن شارانىڭ ماڭىزدىلىعىن اتاپ, بۇل ءونىمدى كورسەتۋدىڭ ەرەكشە مۇمكىندىگى عانا ەمەس, سونداي-اق ونەركاسىپتىك كووپەراتسيانىڭ بارلىق تۇرلەرى مەن ۇلگىلەرىنىڭ دامۋى ءۇشىن, بيزنەس-اليانستار مەن ورتاق ونەركاسىپتەر قۇرۋدىڭ جاڭا مۇمكىندىگى ەكەندىگىن كورسەتتى: ء«بىز 2030 جىلعا قاراي جاڭا ونىمدەردەن پايدا تابۋدىڭ ۇلەسىن جالپى تابىستا 30% دەيىن جەتكىزۋ ستراتەگيالىق ماقساتىن قويىپ وتىرمىز. بۇگىننىڭ وزىندە جاڭا ونىمدەرگە دەگەن 10 جىلدىق مەرزىمگە تاپسىرىستار قورجىنى 16,8 ملرد. اقش دوللارىن قۇراسا, 2016 جىلعى جاڭا ونىمدەردەن تۇسكەن پايدا 3,15 ملرد. اقش دوللارعا جەتتى. ستراتەگيالىق ماقساتقا جەتۋ ءۇشىن قولىمىزدا ءبارى بار: كادرلار, وندىرىستىك جانە عىلىمي-تەحنولوگيالىق مۇمكىندىكتەر. روساتوم ءۇشىن جاڭا سەكتورلارداعى بەلسەندىلىك – ءداستۇرلى يادرولىق-ەنەرگەتيكالىق بيزنەستىڭ قۇرعان رەسۋرستارىن قولدانا وتىرىپ, جاڭا كوممەرتسيالىق تۇرعىدان جەمىستى باعىتتاردى اشۋدىڭ امالى. وسى تۇستا حالىقارالىق ىنتىماقتاستىق ءۇشىن تاماشا مۇمكىندىك تۋىپ, ەكى جاققا دا پايداسى تيەدى», - دەدى ا.مەرتەن.
دوڭگەلەك ۇستەلدە روساتوم ونەركاسىپتەرىنىڭ وكىلدەرى ءسوز سويلەپ, روساتومنىڭ بەيادرولىق جانە بەيەنەرگەتيكالىق سالالارىنداعى اۋقىمدى تاجىريبەسى مەن جوبالارىن تانىستىردى. جوعارىتەحنولوگيالىق باعىتتا قازاقستان ءۇشىن اەس قانا ەمەس, سونداي-اق گازمۇنايحيميا جانە جىلۋ ەنەرگەتيكاسى سالالارىندا قولدانىلاتىن تەحنولوگيالىق پروتسەستەردى باسقارۋدىڭ اۆتوماتتاندىرىلعان جۇيەسى, ينجەنەريا جانە اقپاراتتىق تەحنولوگيالار قىزىعۋشىلىق تۋدىرۋى مۇمكىن.
شاعىن گەس جوباسىن تانىستىرا وتىرىپ, «اتومەنەرگوماش» اق حالىقارالىق قىزمەتىنىڭ ديرەكتورى رومان مۋراشوۆ قوندىرعىنىڭ نەگىزگى ارتىقشىلىقتارى رەتىندە ەلەكتر ەنەرگياسىن وندىرۋدەگى سالىستىرمالى تومەن وزىندىك كۇنى, ءوندىرىس پەن ىسكە اسىرۋدىڭ قىسقا مەرزىمدىلىگى, قاراپايىم جانە جىلدام قۇراستىرىلۋىن اتادى. شاعىن گەس گانز ەەم («اتومەنەرگوماش» اق ەنشىلەس ونەركاسىبى) ۆەنگريالىق كومپانياسىمەن شىعارىلادى. سپيكەردىڭ ايتۋىنشا, بۇل الشاق ورنالاسقان اۋداندارعا ارنالعان, بوگەت سالۋدى قاجەت ەتپەيتىن ءارى وزەندەردىڭ ەكولوگياسىنا زيان كەلتىرمەيتىن ءتيىمدى ەكونوميكالىق شەشىم.
UMATEX Group كومپانياسىنىڭ ساتىلىمدار بويىنشا ديرەكتورى الەكساندر يگناتەۆ كولىك, قۇرىلىس جانە ونەركاسىپ سالالارىنا ارنالعان كومىر تالشىقتارىن قولدانۋدىڭ مۇمكىندىكتەرى تۋرالى ايتىپ بەردى.
«اتومەنەرگوماش» اق ستراتەگيا جانە دامۋ دەپارتامەنتىنىڭ ديرەكتورى يليا لىچەۆ ءوزىنىڭ «تازا سۋ» ەكولوگيالىق قاۋىپسىزدىكتىڭ نەگىزگى فاكتورى: تۇششىلاندىرۋ, سۋدى دايىنداۋ, سۋدى تازارتۋ» بايانداماسىندا ەنەرگيالىق كوزدەرمەن (اەس نەمەسە جەس) بىرىكتىرىلگەن تۇششىلاندىرۋ كەشەندەرى تۋرالى, سونداي-اق سۋدى دايىنداۋ سالاسىنداعى كەشەندى شەشىمدەر, اقپاسۋلارىن تازارتۋ, قازاقستاندا كەرەك بولۋى مۇمكىن ەنەرگەتيكالىق جانە ونەركاسىپتىك نىساندار جۇمىسىنا قاجەتتى پايدالى سۋدى الۋ جايىندا اڭگىمەلەدى.