اپتالىقتىڭ اشىلۋ شاراسىنا «روساتوم» مەملەكەتتىك كورپوراتسياسىنىڭ باس ديرەكتورىنىڭ ءبىرىنشى ورىنباسارى كيريلل كوماروۆ, رف پاۆيلونىنىڭ باس كوميسسارى, رف ساۋدا جانە ونەركاسىپ ءمينيسترى گەورگي كالامانوۆ جانە ەكسپو-2017 كوميسسارى ءراپىل جوشىباەۆ قاتىسىپ, سالتاناتتى تۇردە تۇساۋكەسەر لەنتاسىن قيدى.
«جاسىل» ەنەرگيا كوزدەرىندەگى تەڭگەرىم - بولاشاقتاعى ءمىنسىز ەنەرگيالىق تەڭگەرىم بولماق. كوپتەگەن حالىقارالىق ساراپشىلار ءبىزدىڭ بۇل ويىمىزبەن كەلىسەدى. ارينە, «جاسىل» ەنەرگيالىق تەڭگەرىمدە اتومدىق ەنەرگەتيكا ەلەۋلى رولگە يە بولىپ قالا بەرەدى. بىراق, اتومدىق تەحنولوگيالار بۇگىندە جاي عانا ەنەرگەتيكا ەمەس. ءبىزدىڭ ەكسپوزيتسيانى تاماشالاساڭىزدار, مەديتسينا مەن اۋىل شارۋاشىلىعى سالالارىندا سۋدى تازارتۋ جانە تۇششىلاندىرۋدا رادياتسيالىق تەحنولوگيالاردى قولدانۋ سەكىلدى اتومدىق تەحنولوگيالاردىڭ ادام ءومىرىن قانشالىقتى جاقسارتاتىنىن كورەر ەدىڭىزدەر. اركتيكا تاقىرىبى دا ەرەكشە اتاپ وتۋگە تۇرارلىق ماقتانىشىمىز. ءبىز مۇندا رەسەيلىك مۇزجارعىش فلوتتىڭ بۇگىنى مەن بولاشاعىن كورسەتىپ وتىرمىز. بۇل اتومدىق ەنەرگياعا نەگىزدەلگەن الەمدەگى جالعىز مۇزجارعىش فلوت. سونداي-اق, كورمەدە مۇزجارعىشتىڭ جاڭا ۇلگىسى - «ليدەر» مۇزجارعىشىنىڭ جانە اتومدىق مۇزجارعىشتار مەن جۇزبەلى اتومدىق ستانسانىڭ ماكەتتەرى بار سولتۇستىك تەڭىز جولىن كورە الاسىزدار», دەدى «روساتوم» مەملەكەتتىك كورپوراتسياسىنىڭ باس ديرەكتورىنىڭ ءبىرىنشى ورىنباسارى, حالىقارالىق بيزنەس جانە دامۋ ءبولىمىنىڭ ديرەكتورى كيريلل كوماروۆ.
اشىلۋ سالتاناتىنان كەيىن كەلۋشىلەر 3+ ۇلگىسىندەگى ەنەرگەتيكالىق بلوكقا ۆيرتۋالدى ساياحات جاسادى جانە رادياتسيالىق تەحنولوگيالاردى مەديتسينا مەن اۋىل شارۋاشىلىعىندا پايدالانۋ, اتوم ەنەرگياسىن عارىشتى مەڭگەرۋدە قولدانۋ مۇمكىندىكتەرى جانە سۋپەركومپيۋتەرلەر, تۇيىق وتىن تسيكلى, جوعارى وتكىزگىشتەر مەن يادرولىق ەنەرگەتيكا تۋرالى باياندايتىن ەكسپوزيتسيامەن تانىستى.