بۇل دۇنيەلەردى ەكسپو كورمەسىنە كەلگەن شەتەلدىك قوناقتار مەن استاناعا ات باسىن بۇرعان ەلىمىز تۇرعىندارى تاماشالاۋدا. وسىندا ورنالاسقان ەكسپوناتتار اراسىنان داڭقتى باتىر بابامىز قاراكەرەي قابانبايدىڭ قانجارىن كوزىمىز شالىپ قالدى. بۇل جادىگەر تۇركىستان قالاسىنداعى «ازىرەت سۇلتان» مەملەكەتتىك تاريحي-مادەني قورىق مۋزەي قورىنان جەتكىزىلىپتى.
قانجاردىڭ ءمۇيىز سابى جەتەسىنە اق قورعاسىن ارقىلى شەگەندەلىپتى. تەگى بۇل بەرتىندە جاسالعان رەستاۆراتورلار جۇمىسى بولسا كەرەك. قانجاردىڭ ارقا قىرىندا جەتەسىنەن ۇشىنا دەيىن قاتار تارتىلعان قوس ويما قوبى سىزىق بار. ۇشى كادىمگى پىشاقتار سياقتى قايقىلانىپ بىتكەن. قانجار-ەكسپوناتتىڭ تانىستىرىلىم قۇجاتىندا: جالپى ۇزىندىعى – 34,4 سم, سابى – 11 سم, سالماعى 0,8 كەلى دەلىنىپتى جانە بۇل بۇيىمدى مۋزەي قورىنا وتكىزگەن ادام رەتىندە تانىمال سۋرەتشى ساحي رومانوۆ ەسىمى تىركەلگەن.
بەكەن قايرات ۇلى, «ەگەمەن قازاقستان»
سۋرەتتى تۇسىرگەن
ورىنباي بالمۇرات, «ەگەمەن قازاقستان»