«الاشتىڭ سالماعىندا» شارشى الاڭعا شىققان اسلانبەك پەن سوتولونگو جەكپە-جەك باستالا سالا ەشتەڭە قاراماستان ءبىر-بىرىنە سوققى جۇمساۋدان ايانعان جوق. ەندى شە, بۇل كەزدەسۋ شىمبەرگەنوۆ ءۇشىن «نە بەل, نە بەلبەۋ كەتەتىن» جەكپە-جەك بولاتىن. ال كۋبالىق كوماندا WSB تۇجىرىمداماسىنىڭ كۋبوگىنا ءبىر تابان جاقىن تۇرعان-دى. ايتسە دە, شىمبەرگەنوۆتىڭ سوققىسى شىمبايىنا باتقان سوتولونگو سان سوعىپ قالدى.
اسلانبەك شىمبەرگەنوۆ كۋبالىق بوكسشىمەن 2015 جىلعى فينالدا كەزدەسىپ, كۋبالىقتان ايلاسىن اسىرعان. سونداي-اق, 2014 جىلعى «چەمپيوندار كەزدەسۋىندە» سوتولونگو تاعى ءبىر «ارلان» ماديار اشكەەۆتەن جەڭىلگەن-تۇعىن. جالپى, رونەلگە قازاق بوكسشىلارىمەن جۇدىرىقتاسۋ ىڭعايسىز بولىپ ءجۇر.
دۇنيەجۇزىلىك بوكس سەرياسىنىڭ (WSB) جەتىنشى ماۋسىمداعى فينالدىق جەكپە-جەگى ءدال قازىر استاناداعى «قازاقستان» سپورت كەشەنىندە ءوتىپ جاتىر. اسلانبەك شىمبەرگەنوۆتىڭ جەڭىسىنەن كەيىن "استانا ارلاندارى" مەن "كۋبا قابىلاندارى" اراسىندا ءوتىپ جاتقان فينالدىق كەزدەسۋدە تارازى باسى تەڭەستى.