ابدىرازاق اعامىزدان «قازاقستان بارىسى-2017» ءتۋرنيرىنىڭ شيرەك فينالىندا ۇلدارى ۇلان مەن رۋسلان جولىعىپ, ءىنىسى اعاسىنا جول بەردى مە الدە شىنىمەن جەڭىلىپ قالدى ما؟», دەپ سۇراعانىمىزدا ۇلان بيىل «قازاقستان بارىسىندا» سوڭعى رەت كۇرەسكەنىن, بۇدان كەيىن قازاق كۇرەسى فەدەراتسياسىندا جۇمىس ىستەيتىندىگىن ايتتى.
– «قازاقستان بارىسى» تۋرنيرىندە ەكى ۇلىم ەكى توپقا ءتۇسىپ, فينالدا جولىقسا دەپ ۇمىتتەنىپ ەدىم. بىراق, جەرەبە ەكەۋىن شيرەك فينالدا كەزىكتىردى. ۇلان وسى ءتۋرنيردىڭ الدىندا قازاق كۇرەسى فەدەراتسياسىنا جۇمىسقا تۇراتىنىن ايتىپ, بيىل سوڭعى رەت كۇرەسەمىن دەگەن بولاتىن. قازاقتا «اعا تۇرىپ, ءىنى سويلەگەننەن بەز» دەگەن ءسوز بار عوي. سوندىقتان, رۋسلان ۇلكەنگە ىزەتتىلىك تانىتىپ جارتىلاي فينالدا اعاسىنا جولىن بەرگەن بولاتىن, - دەيدى ۇلاننىڭ اكەسى.
ۇلان رىسقۇلدىڭ قازاق كۇرەسى فەدەراتسياسىنداعى قىزمەتىن ناقتىلاۋ ءۇشىن وزىنە حابارلاسقانىمىزدا جاقىندا فەدەراتسياعا قىزمەتكە ورنالاسپاق نيەتتە ەكەندىگىن ايتتى. بىراق, ناقتى قانداي قىزمەت اتقاراتىنىن ايتقان جوق.
ايتا كەتەيىك, ۇلان رىسقۇل «قازاقستان بارىسى» تۋرنيرىنە قاتىسىپ, قازاق كۇرەسى فەدەراتسياسىندا جۇمىسقا تۇرعان ەكىنشى بالۋان اتانباق. بۇعان دەيىن 2011, 2012 جىلدارى ءتۋرنيردىڭ جۇلدەگەرى اتانعان شالقار جولامانوۆ قازاق كۇرەسى فەدەراتسياسىندا تورەشىلەر كوميتەتىنە توراعالىق قىزمەتىن اتقارىپ كەلەدى.
ەسكە سالا كەتەيىك, ۇلان رىسقۇل 2011 جىلى ۇيىمداستىرىلعان «قازاقستان بارىسى» ءتۋرنيرىنىڭ تۇڭعىش جەڭىمپازى.
ابدىرازاق عالىم اعامىزبەن بولعان سۇحباتتىڭ تولىق نۇسقاسىن الداعى ۋاقىتتا سايتىمىزدان وقي الاسىزدار.
ءالي بيتورە,
«ەگەمەن قازاقستان»