سالا قىزمەتكەرلەرىن كاسىبي مەرەكەمەن ايماق باسشىسى قۇمار اقساقالوۆ قۇتتىقتادى.
«تاۋەلسىزدىك العان كۇننەن باستاپ ەل پرەزيدەنتى مەملەكەتتىڭ قاۋىپسىزدىگى مەن تىنىشتىعىن باستى نازاردا ۇستاپ كەلەدى. ەلباسى «ەلدىڭ تىنىشتىعىن, تۇراقتىلىعىن ساقتاۋ ءبارىمىزدىڭ قاسيەتتى بورىشىمىز», دەپ قاۋىپسىزدىكتىڭ ماڭىزىن اتاپ وتكەن بولاتىن. سىزدەردىڭ ۇلت مۇددەسى ءۇشىن ايانباي ەڭبەك ەتىپ, تابىستارعا جەتە بەرۋلەرىڭىزگە تىلەكتەسپىن», دەدى قۇمار ىرگەباي ۇلى.
ارىپتەستەرىن ۇقك دەپارتامەنتىنىڭ باسشىسى, گەنەرال-مايور اسقار اقشاەۆ قۇتتىقتادى.
سالتاناتتى جيىن بارىسىندا ءمىنسىز ورىنداۋشىلىق ءتارتىبى مەن قىزمەتتىك ءىس-قيمىلدا قول جەتكىزگەن وڭ ناتيجەلەرى ءۇشىن, سونداي-اق, قر ۇلتتىق قاۋىپسىزدىك كوميتەتىنىڭ 25 جىلدىعىنا وراي ءبىر توپ قىزمەتكەرگە وبلىس اكىمىنىڭ قۇرمەت گراموتالارى جانە العىس حاتتارى تابىس ەتىلدى.
14 قىزمەتكەرگە «قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە 25 جىل» مەرەكەلىك مەدالى تابىستالدى. بۇدان باسقا بىرنەشە قىزمەتكەر ۇلتتىق قاۋىپسىزدىك كوميتەتى توراعاسىنىڭ قۇرمەت گراموتاسىن يەلەندى.
جيىن ءوڭىردىڭ شىعارماشىلىق ۇجىمدارى ونەر كورسەتكەن مەرەكەلىك كونتسەرتكە جالعاستى.
ءومىر ەسقالي, «ەگەمەن قازاقستان»