ونداعى ماقسات - وڭتۇستىك قازاقستان وبلىسىندا جەمىس-جيدەك ساقتاۋ قويمالارىن سالىپ, الما باقتارىن, وڭدەۋ كاسىپورىندارى مەن ارالاس ءوندىرىستى دامىتۋ بولىپ تابىلادى.
شاراعا وڭتۇستىك قازاقستان وبلىسىنىڭ اكىمى جانسەيىت تۇيمەباەۆ, «اگرارلىق نەسيە كورپوراتسياسى» اق باسقارما توراعاسى نارمۇحان سارىباەۆ, «شىمكەنت» الەۋمەتتىك-كاسىپكەرلىك كورپوراتسياسى»ۇق» اق باسقارما توراعاسى ايتمۇحاممەد الداجاروۆ قاتىسىپ, الداعى اتقارىلار جۇمىستاردى ناقتىلادى.
ۇشجاقتى كەلىسىمگە ساي وڭتۇستىك قازاقستان وبلىسىنىڭ اكىمدىگى جەر ۋچاسكەلەرىن بەرىپ, ينفراقۇرىلىم مەن عيمارات قۇرىلىسىنا جاۋاپتى بولسا, «شىمكەنت» الەۋمەتتىك-كاسىپكەرلىك كورپوراتسياسى»ۇق» اق جوبانىڭ وپەراتورى رەتىندە ينۆەستورلار تارتىپ, قارجى ءبولىپ, اگروسالادا ەڭبەك ەتىپ جۇرگەن شارۋا قوجالىقتارىمەن كەلىسىمگە تۇرۋدى ءوز موينىنا الىپ وتىر. ال, «اگرارلىق نەسيە كورپوراتسياسى» اق كليەنتتەردى تارتىپ, ەكسپورتقا باعدارلانعان «اگروەكسپورت» باعدارلاماسى بويىنشا جەڭىلدىكپەن قارجىلاندىرۋ جۇمىستارىن جۇزەگە اسىرماق.
بۇل كەلىسىم ءوز كەزەگىندە وڭىرىمىزدەگى باۋ-باقشا شارۋاشىلىعىن دامىتىپ, جوعارى مۋلتيپليكاتيۆتىك ناتيجەگە قول جەتكىزۋگە سەپتىگىن تيگىزەرى ءسوزسىز. بۇل – كونتەينەر جاساۋ, قاپتاۋ, تەحنيكانى قۇراستىرۋ, تامشىلاتىپ سۋارۋ جانە تاعى باسقا وندىرىستەر بويىنشا جوبالاردى قۇرۋعا مۇمكىندىك بەرەدى.