كورنەكتى جازۋشى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى ءسابيت دوسانوۆ «سەرگەي ەسەنين» مەدالىمەن ماراپاتتالدى. قازاق قالامگەرىنىڭ ورىستىڭ ۇلى اقىنى «سەرگەي ەسەنين» مەدالىمەن ماراپاتتالعانى تۋرالى كۋالىككە اقىننىڭ مەملەكەتتىك مۋزەي-قورىعىنىڭ ديرەكتورى ب.ي.يوگانسون مەن ماسكەۋدەگى ريازاندىق جەرلەستەر قاۋىمداستىعىنىڭ توراعاسى, رەسەي ينجەنەرلىك اكادەمياسىنىڭ پرەزيدەنتى, ەڭبەك ەرى ب.ن.گۋسەۆ قول قويعان.
ءسابيت دوسانوۆ ەكى جىل بۇرىن رەسەي جازۋشىلار وداعىنىڭ شەشىمىمەن سەرگەي ەسەنين اتىنداعى سىيلىقتىڭ لاۋرەاتى اتاعىن العان ەدى, ەندى مىنە, ورىستىڭ عاجايىپ ليريك-اقىنى قۇرمەتىنە ارنالعان مەدالمەن ماراپاتتالىپ وتىر.