نۇرسۇلتان نازارباەۆ ۇلتتىق قاۋىپسىزدىك كوميتەتىنىڭ 25 جىلدىعىنا ارنالعان سالتاناتتى شارا باستالار الدىندا تمد ەلدەرى ۇلتتىق قاۋىپسىزدىك ورگاندارىنىڭ جەتەكشىلەرىمەن كەزدەستى, دەپ حابارلايدى اقوردانىڭ ءباسپاسوز قىزمەتى.
اڭگىمە بارىسىندا قازاقستان پرەزيدەنتى وڭىردەگى قاۋىپسىزدىكتى قامتاماسىز ەتۋ ءۇشىن ارناۋلى قۇرىلىمداردىڭ حالىقارالىق دەڭگەيدە ىنتىماقتاسۋى مەن ءوزارا ءىس-قيمىل جاساۋىنىڭ ماڭىزدىلىعىن اتاپ ءوتتى.
– الدىمىزدا ورتاق مىندەتتەر تۇر. ءوزارا ىنتىماقتاستىقتا بولۋىمىز قاجەت. قازىر كۇردەلى كەزەڭدە ءومىر سۇرگەندىكتەن, پروبلەمانى جەكە-دارا شەشۋ دە قيىن. ەلدەرىڭىزدىڭ پرەزيدەنتتەرىمەن جاقسى قارىم-قاتىناستامىن, سوندىقتان ءبىز بارلىق ماسەلەنى بىرىگىپ شەشىپ كەلەمىز, – دەدى نۇرسۇلتان نازارباەۆ.
سوڭىندا ەلباسى تمد ەلدەرى ارناۋلى ورگاندارىنىڭ جەتەكشىلەرىنە سالتاناتتى شاراعا قاتىسقاندارى ءۇشىن العىس ايتىپ, سول ەلدەردىڭ باسشىلارىنا ءوزىنىڭ جىلى لەبىزىن جەتكىزۋدى سۇرادى.