ۇكىمەت ۇيىندە پرەمەر-مينيستر باقىتجان ساعىنتاەۆ كوشى-قون ساياساتى جانە مونوقالالاردى دامىتۋ ماسەلەلەرى جونىندە كەڭەس وتكىزدى, دەپ حابارلادى ۇكىمەت باسشىسىنىڭ ءباسپاسوز قىزمەتى.
كەڭەس بارىسىندا دەنساۋلىق ساقتاۋ, ءبىلىم بەرۋ, تۋريزم, ەنەرگەتيكا سالالارىندا مونوقالالاردىڭ ينفراقۇرىلىمىن ودان ءارى دامىتۋ شارالارى تالقىلاندى. سونداي-اق, ينۆەستيتسيالار تارتۋ ماسەلەلەرى قارالدى. ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن ىسكە اسىرۋ بارىسىنا باسا نازار اۋدارىلدى. دەنساۋلىق ساقتاۋ ءمينيسترى ە.ءبىرتانوۆ, ەڭبەك جانە حالىقتى الەۋمەتتىك قورعاۋ ءمينيسترى ت.دۇيسەنوۆا, ادىلەت ءمينيسترى م.بەكەتاەۆ, ىشكى ىستەر ءمينيسترى ق. قاسىموۆ, ءدىن ىستەرى جانە ازاماتتىق قوعام ءمينيسترى ن.ەرمەكباەۆ, ەنەرگەتيكا ءمينيسترى ق.بوزىمباەۆ, قارجى ءمينيسترى ب.سۇلتانوۆ, ماڭعىستاۋ وبلىسىنىڭ اكىمى ە.توعجانوۆ جانە باسقالارى بايانداما جاسادى.