مەملەكەت باسشىسىنىڭ 2017 جىلعى 12 شىلدەدەگى وكىمىمەن قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى بولىپ عيزات داۋرەنبەك ۇلى نۇرداۋلەتوۆ تاعايىندالدى. بۇل تۋرالى قر باس پروكۋراتۋراسىنىڭ فەيسبۋكتەگى پاراقشاسىندا جاريالاندى.
عيزات داۋرەنبەك ۇلى نۇرداۋلەتوۆ 1964 جىلى الماتى وبلىسى, جامبىل اۋدانى, قاراقاستەك اۋىلىندا دۇنيەگە كەلگەن.
1986 جىلى س.م. كيروۆ اتىنداعى قازاق مەملەكەتتىك ۋنيۆەرسيتەتىن «زاڭگەر» ماماندىعى بويىنشا تامامداعان.
ەڭبەك جولىن 1987 جىلى ۇجىمشاردا زاڭگەر بولىپ باستاعان.
1990-1996 جىلدارى پروكۋراتۋرا ورگاندارىندا جۇمىس ىستەگەن.
1996-1997 جىلدارى قازاقستان رەسپۋبليكاسى مەملەكەتتىك تەرگەۋ كوميتەتى ورگاندارىندا, 1997-2007 جىلدارى قازاقستان رەسپۋبليكاسى ۇلتتىق قاۋىپسىزدىك كوميتەتى ورگاندارىندا قىزمەت ەتكەن.
2007 جىلى الماتى وبلىستىق ۇلتتىق قاۋىپسىزدىك كوميتەتى دەپارتامەنتىنىڭ باستىعى بولىپ تاعايىندالدى. 2013 جىلدان بەرى ۇلتتىق قاۋىپسىزدىك گەنەرال-مايورى.