اتىراۋدا بالالار ءۇيى جابىلادى

جەتىم جانە اتا-انا قامقورلىعىنسىز قالعان بالالارعا ارنالعان مەكەمەدەگى 25 تاربيەلەنۋشىنىڭ توعىزى بيىل مەكتەپ ءبىتىردى. التى بالانى الماتى وبلىسى الاكول اۋدانىنداعى لەپسى اۋدانىنىڭ تۇرعىنى اسىرىپ الىپتى. ەكى بالا جاڭا وقۋ جىلىنان باستاپ الماتىداعى فيزيكا-ماتەماتيكا مەكتەپ-ينتەرناتى مەن سپورت ينتەرناتىندا ءبىلىم الادى. قالعان سەگىز وقۋشى وتباسى ۇلگىسىندەگى «شاڭىراق» بالالار اۋىلىنا اۋىستىرىلادى.

-قازىر اتىراۋدا بالالار ءۇيىنىڭ تاربيەلەنۋشىلەرى ازايدى, - دەيدى وبلىستىق ءبىلىم بەرۋ باسقارماسىنىڭ باسشىسى نۇرساۋلە سايلاۋوۆا. – وبلىستا جەتىم جانە اتا-انا قامقورلىعىنسىز قالعان 605 بالا بار, ونىڭ 478-قامقورشىلىقتا. وبلىس باسشىلىعىنىڭ قولداۋىمەن جەتىم بالالاردى تۇرعىن ۇيمەن قامتۋ شارالارى ءجۇرىپ جاتىر. سوڭعى ءۇش جىلدىڭ وزىندە 412 جەتىم بالاعا مەملەكەتتىك تۇرعىن ءۇي قورىنان باسپانا بەرىلدى.

باقىتگۇل باباش,

«ەگەمەن قازاقستان»

اتىراۋ