ۇستىمىزدەگى جىلدىڭ 26 ماۋسىمنان باستاپ بانك كليەنتى-جەكە تۇلعالار پوشتا بولىمشەلەرىندە ءوز شوتتارىن تولىقتىرىپ, نەسيەلەرىن وتەي الادى. بۇل بانك ۆتب (قازاقستان) جانە «قازپوشتا» اق اراسىنداعى كەلىسىمگە قول قويۋ ناتيجەسىندە مۇمكىن بولىپ وتىر.
– ءبىز ارقاشان كليەنتتەردىڭ بانكپەن سەرىكتەستىگىن بارىنشا ءتيىمدى ەتۋگە ۇمتىلىپ كەلەمىز. ۇلتتىق پوشتا وپەراتورىنىڭ قاراۋىندا قازاقستاننىڭ تولىق اۋماعىن, اسىرەسە اۋداندىق جانە اۋىلدىق جەرلەردى قامتيتىن ەڭ ءىرى بولىمشەلەرى بار. كومپانيا ءتىپتى قازاقستاننىڭ ەڭ شەتكى ەلدى-مەكەندەرىندە جۇمىس جاسايدى.
بانك ۆتب (قازاقستان) باسقارما توراعاسىنىڭ ورىنباسارى ءارى باسقارما مۇشەسى ن.ۆ. سۋگانياكا «قازپوشتامەن» سەرىكتەستىك بانك كليەنتتەرىنىڭ نەسيەلىك بەرەشەكتەرىن وتەۋ, اعىمداعى جانە جيناق شوتتارىن تولىقتىرۋ سەكىلدى وپەراتسيالارعا قولجەتىمدىلىگىن ايتارلىقتاي ۇلعايتۋعا باعىتتالعانىن ايتادى.
ەندى تولەمدەردى قازپوشتانىڭ 3400 بولىمشەسىندە جۇزەگە اسىرۋعا بولادى. ول ءۇشىن بانكتىڭ كليەنتىنە ءوزىنىڭ دەرەكتەمەلەرىن كورسەتە وتىرىپ ارنايى بلانكتى تولتىرۋى قاجەت بولادى.
ايناش ەسالي, «ەگەمەن قازاقستان»