بۇل تۋرالى ديماش قۇدايبەرگەننىڭ مەنەدجەرى الپامىس شاريموۆ فەيسبۋكتەگى پاراقشاسىندا جازدى.
"قازاق بالاسىنىڭ اتىمەن ەندى ۇشاق جارىققا شىعادى! TianDao كومپانياسى Eastern company-مەن بىرگە جەكە تاپسىرىسقا ۇشاق شىعاراتىن بولدى! بۇل ۇشاق "Moonlight blade" ونلاين ويىنى جەلىسىنە ارنالماق. ديماش وسى ويىنعا "ۋاقىت-تەڭىز" اتتى ساۋندترەك جازعان بولاتىن. 22 تامىزدا ءوزىنىڭ العاشقى رەيسىن شانxايدان بەيجىڭگە ورىندايتىن اتالمىش ۇشاقتا ديماشتىڭ بەينەسى جارىققا شىعاتىن بولادى. ۇلكەن اۋە كەمەسى ەندى ديماشتىڭ اتىمەن برەندكە اينالماق!!!", دەپ جازدى الپامىس شاريموۆ.