قالانىڭ ناعىز سپورتشى جانە بەلسەندى تۇرعىندارى استانا كۇنىنە ارنالعان ءداستۇرلى ۆەلوجارىسقا قاتىسىپ, قر تۇڭعىش پرەزيدەنتى ساياباعىنان باستاپ اباي اتىنداعى جەلەكجولدىڭ گۇل باعىندا «نۇر وتان» پارتياسىنىڭ وبلىستىق بولىمشەسى عيماراتىنىڭ الدىنداعى الاڭعا دەيىن جارىستى. سول جەردە استانا كۇنىن مەرەكەلەۋدىڭ اقتوبەدەگى رەسمي اشىلۋى ءوتتى. قالانىڭ شىعارماشىلىق ۇجىمى تاماشا كونتسەرتتىك باعدارلاما ۇسىنىپ, قالا تۇرعىندارى مەن قوناقتارىنا تاماشا كوڭىل-كۇي سىيلادى.
سالتاناتتى شاراعا وبلىس اكىمى بەردىبەك ساپارباەۆ قاتىستى. ءوڭىر باسشىسى مەرەكەگە جينالعاندارمەن بىرگە تۇرگەنەۆ كوشەسىنەن ەسەت باتىر كوشەسىنە دەيىنگى اباي اتىنداعى جاڭارتىلعان گۇل باعىن قاراپ شىقتى. قايتا جاڭارتۋدىڭ ارقاسىندا گۇل باعى جاي عانا قىدىرۋ ايماعى ەمەس, بەلسەندى دەمالىس ايماعىنا اينالدى: ەكى بالالار الاڭى, جاتتىعۋ قۇرالدارى بار سپورت الاڭى مەن ۆوركاۋتپەن اينالىسۋ الاڭى سالىندى, سونىمەن قاتار 230 قىلقاندى جانە جاپىراقتى اعاشتار وتىرعىزىلدى. جاڭارتىلعان جەلەكجولدا قالانىڭ پورفيۋمەرلىك جانە قىش بۇيىمدارىن جاساۋ مەكتەپتەرى ونىمدەرىنىڭ, قولدانبالى ونەر شەبەرلەرى بۇيىمدارىنىڭ كورمە-جارمەڭكەسى ءوتىپ, ءتۇرلى ويىندار, ۆيكتوريالار مەن كونكۋرستار ۇيىمداستىرىلدى.
ROBOTIح KAZAKHSTAN كومپانياسىنىڭ روبوتتاردى كورسەتۋ جانە روبوتتاردى قۇراستىرۋ مەن باسقارۋ بويىنشا شەبەرلىك ساباقتارى ەرەكشە قىزىعۋشىلىق تۋعىزدى. استانا كۇنىنە ارنالعان مەرەكەلىك باعدارلامالار مەن مادەني-كوپشىلىك شارالارى ءبىر مەزەتتە ساياباق, گۇل باعى سىندى قالانىڭ باسقا الاڭدارىندا جانە وبلىس اۋداندارىندا قىزىقتى ءارى تولىققاندى ءوتتى.
تەمىر قۇسايىن,
"ەگەمەن قازاقستان"
اقتوبە