الەمدى ءوز ونەرىمەن ءتانتى ەتىپ جۇرگەن توپتىڭ شىعارماشىلىق جۇمىسىن استانادا وتكىزەتىنى بىرەر اي بۇرىن بەلگىلى بولعان ەدى. ەكسپو اۋماعىندا ورنالاسقان ەنەرگيا حوللىندا اتالعان ۇجىم كونتسەرتىن وتكىزدى. ولار كورەرمەن نازارىنا حالىقارالىق ساحنالاردا ورىنداپ جۇرگەن ۇزدىك تۋىندىلارىن قويدى. موريس شتەگەر شارا بارىسىندا استانا قالاسىنىڭ سۇلۋلىعى مەن ەكسپو كورمەسى جايلى جىلى لەبىزىن ءبىلدىردى. سونداي-اق, ول الداعى ۋاقىتتا قازاق ەلىنىڭ دامىعان مەملەكەتتەردىڭ قاتارىنا ەنەتىنىنە سەنىمدى ەكەنىن جەتكىزدى. The Independent باسىلىمىنىڭ حابارلاۋىنشا, موريس شتەگەر الەمدەگى «ۇزدىك فلەيتاشى-ۆيرتۋوز» اتانعان. ول بۇگىندە تسيۋريح كامەرالىق وركەسترى, فرانكفۋرت سيمفونيالىق وركەسترى, بەرلين فيلارمونياسىنىڭ وركەسترى سىندى جەتەكشى وركەسترلەرمەن ونەر كورسەتىپ كەلەدى. «Lautten compagney» وركەسترى – گەرمانيانىڭ بەلگىلى انسامبلدەرىنىڭ ءبىرى. ۆولفگانگا كاتچنەرانىڭ جەتەكشىلىگىمەن وتكىزىلىپ جۇرگەن كەشتەرى ونداعان جىلدار بويى تىڭدارماندارىن ءتانتى ەتىپ كەلەدى. شەبەرلىكتەرىنىڭ ارقاسىندا كوپشىلىكتىڭ ىستىق ىقىلاسىنا بولەندى. انسامبل بۇگىنگە دەيىن ءتۇرلى سىيلىقتارعا يە بولدى. ماسەلەن, 2010 جىلى امەريكالىق كومپوزيتور فيليپ گلاسستىڭ تۋىندىلارىن باروككو ستيلىندەگى مۋزىكامەن ۇيلەستىرگەنى ءۇشىن ECHO Klassik سىيلىعىن الدى.
ەكسپو-2017 كورمەسى اياسىندا ەلىمىزگە ءتۇرلى مەملەكەتتەردەن ونەر يەلەرى كەلىپ, جاڭا تۋىندىلارىن پاش ەتۋدە. ەل استاناسىنا بۇل جولى الەمگە ايگىلى شۆەيتساريانىڭ سىرنايشىسى موريس شتەگەر مەن گەرمانيانىڭ «Lautten compagney» وركەسترى اتباسىن بۇردى.