اسكەري سامبودان ۇيىمداستىرىلعان حالىقارالىق جارىسقا 300-گە جۋىق سپورتشى قاتىستى. سايىستىڭ ءبىرىنشى كۇنىندە 52 كەلى سالماقتا ەل نامىسىن قورعاعان جاس بالۋان ەسەنتاي يماحانوۆ كۇمىسپەن كۇپتەلسە, وزبەك سپورتشىسىنا جول بەرگەن تولەگەن نۇرعاليەۆ قولا مەدالدى قاناعات تۇتتى.
2016 جىلى تۇرىكمەنستانداعى ازيا چەمپيوناتىندا ۇزدىك ۇشتىكتەن كورىنگەن اۋىر سالماقتاعى ەراسىل قاجىباەۆ التىننان القا تاعىندى. ول اقتىق سىندا بىلتىرعى ازيا چەمپيوناتىنىڭ جەڭىمپازى يران بالۋانىنان ايلاسىن اسىردى. «سەمەي» سپورت اكادەمياسىنىڭ بيىلعى العاشقى تۇلەگى قۋاندىق ستامپولوۆ تا ەراسىلدىڭ جەڭىسىن قايتالاپ, ەل مەرەيىن اسقاقتاتتى. وزگە سالماقتاردا سىنعا تۇسكەن ايان رامازانوۆ كۇمىس, 81 كەلىدەگى جاس سپورتشى قۋانىش راتاەۆ پەن ايەلدەر ساپىندا كۇرەسكەن ايدانا سۇلتانبەكوۆا قولا جۇلدەگەر اتاندى.
ازامات قاسىم,
«ەگەمەن قازاقستان»
سەمەي