كونفەرەنتسياعا ەلىمىزدىڭ سىرتقى ىستەر ءمينيسترى قايرات ءابدىراحمانوۆ, پرەزيدەنتتىڭ حالىقارالىق ماسەلەلەر جونىندەگى كومەكشىسى نۇرلان ونجانوۆ, پارلامەنت ءماجىلىسى حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ, «استانا ەكسپو-2017» ۇلتتىق كومپانياسى» اق باسقارما توراعاسى احمەتجان ەسىموۆ, سونداي-اق, ەلىمىزدەگى شەت مەملەكەتتەردىڭ قازىرگى جانە بۇرىنعى ەلشىلەرى قاتىستى. القالى جيىندى ەلباسى كىتاپxاناسى, سىرتقى ىستەر مينيسترلىگى, قازاقستاننىڭ تۇڭعىش پرەزيدەنتى – ەلباسى قورى, قور جانىنداعى الەمدىك ەكونوميكا جانە ساياسات ينستيتۋتى بىرلەسە وتىرىپ ۇيىمداستىردى. كونفەرەنتسيانى جۇرگىزگەن قايرات ءابدىراxمانوۆ الدىمەن كوپشىلىك نازارىنا قازاقستان رەسپۋبليكاسى ديپلوماتيالىق قىزمەتىنىڭ 25 جىلدىعىنا ارنالعان بەينەباياندى ۇسىندى. بۇل بەينەباياندا ەلىمىزدىڭ سىرتقى ساياساتىنىڭ باستى كەزەڭدەرى, ونىڭ دامۋ جولدارى, الەمنىڭ الپاۋىت ەلدەرىمەن ارىپتەستىك قارىم-قاتىناس ورناتۋى, ەلباسىنىڭ سەمەي پوليگونىن جاۋىپ, يادرولىق قارۋدان باس تارتۋى, ەلىمىزدىڭ ەگەمەندىك العاننان كەيىنگى جەتكەن جەتىستىكتەرى قىسقاشا كورسەتىلدى. جيىندا ءسوز العان بەنيليۋكس ەلدەرىندەگى بۇرىنعى ەلشى, بۇگىندە «استانا ەكسپو-2017» ۇلتتىق كومپانياسىنىڭ باسشىسى احمەتجان ەسىموۆ وتكەن كۇندەرگە شولۋ جاساپ, ءوزىنىڭ ەۋرووداقتا جانە ناتو-دا تۇراقتى وكىل قىزمەتىن اتقارعانىن, قازاقستان-ەۋرووداق بىرلەسكەن كوميسسياسىنىڭ توراعاسى بولعانىن ايتتى جانە سول ۋاقىت ارالىعىندا جيناعان تاجىريبەسىن قازىرگى قىزمەتىندە دە پايدالانىپ جۇرگەنىن مالىمدەدى. – ەلىمىز كوپۆەكتورلى سىرتقى ساياسات ۇستانۋىنىڭ ارقاسىندا ءوز شەكارامىزدى ايقىندادىق, ەكونوميكامىزدى دامىتتىق. سونىمەن قاتار, xالىقارالىق پروتسەستەرگە قاتىسۋى ارقىلى قازاقستان اشىق جانە بەيبىتسۇيگىش ەل رەتىندە تانىلىپ كەلەدى. وسى جۇمىستاردا ديپلوماتتارىمىزدىڭ ء رول اتقارعاندارى انىق, – دەدى اxمەتجان ەسىموۆ. كونفەرەنتسيا بارىسىندا ءسوز العان قازاقستاننىڭ تۇڭعىش پرەزيدەنتى – ەلباسى كىتاپxاناسى ديرەكتورىنىڭ ورىنباسارى ءامىرxان راxىمجانوۆ 25 جىل ىشىندە مەملەكەت باسشىسىنىڭ ءتۇرلى دەڭگەيدەگى مىنبەرلەردەن كوپتەگەن يدەيالار ۇسىنعانىن, ونىڭ بارلىعى دەرلىك قولداۋ تاپقانىن ەرەكشە اتاپ ءوتتى. سونىمەن قاتار, شارا بارىسىندا ەلباسى نۇرسۇلتان نازارباەۆتىڭ سيرياداعى داعدارىستى رەتتەۋ جولدارىن ىزدەۋگە ارنالعان بەلسەندى ارەكەتتەرى جايلى نۇرلان ونجانوۆتىڭ «بىتىمگەر: سيريا ءتۇيىنى» اتتى كىتابى تانىستىرىلدى. كىتاپتا ەلباسىنىڭ بىتىمگەرلىك قىزمەتى ءار قىرىنان ادەمى اشىپ كورسەتىلەدى. – تاۋەلسىزدىكتىڭ العاشقى جىلدارىنان باستاپ ەلباسىمىزعا بىتىمگەرلىك جونىندە وتىنىشتەر كوپتەپ تۇسكەن. مەملەكەت باسشىسىنىڭ بىتىمگەرلىك قىزمەتى ارقاشان تابىستى جۇزەگە اسىپ كەلەدى. ماسەلەن, تاۋلى قاراباق قاقتىعىسىن رەتتەۋگە, 2005-2010 جىلدارى قىرعىزستاندا جاعدايدى تۇراقتاندىرۋعا قاتىستى ءىس-شارالار ۇلكەن ۇلەسىن قوستى. سونىمەن قاتار, مەملەكەت باسشىسىنىڭ تۇركيا مەن رەسەي اراسىنداعى شيەلەنىستى شەشۋدە ماڭىزدى ءرول اتقارۋى ەلىمىزدىڭ بەدەلىن ودان ءارى ارتتىرا ءتۇستى, – دەدى نۇرلان ونجانوۆ. شاراعا جينالعان قاۋىم ەلىمىزدىڭ ديپلوماتيالىق قىزمەتىنە ارنالعان «تاۋەلسىز قازاقستان ديپلوماتيالىق قىزمەتىنىڭ 25 جىلدىق تاريحىنان» اتتى فوتوسۋرەتتەر كورمەسىمەن تانىستى. ايتا كەتەيىك, قازاقستان 1991 جىلى تاۋەلسىزدىك العان كۇننەن باستاپ, الەمنىڭ 130 مەملەكەتىمەن ديپلوماتيالىق قارىم-قاتىناس ورناتتى.
ايان ءابدۋالي, «ەگەمەن قازاقستان»