«ميراس» وبلىستىق مادەنيەت سارايىنا تاڭەرتەڭنەن كەلگەن بالالاردىڭ قاراسى كوپ بولدى. 7 مەن 13 جاس ارالىعىنداعى ءار بالانىڭ سوڭىندا اتا-انا جانە تالىمگەرى, مەكتەپتەگى ۇستازدارى ءجۇر. بويىندا انشىلىك ونەردىڭ ۇشقىنى بار ءار بالا بايقاۋدا جەڭىمپاز بولارىنا بەك سەنىمدى. «بالا داۋىسى» ۇلتتىق بالالار ءان بايقاۋىنا وبلىستىڭ بارلىق شالعايىنان 110 كىشكەنتاي تالاپكەر قاتىسىپ, باعىن سىنادى. بالالار مەن جاسوسپىرىمدەردىڭ بەلگىلى انشىلەردىڭ ورىنداۋىنا ەلىكتەپ-سولىقتايتىن كەزى, سوندىقتان ولاردىڭ اراسىنان تابيعي جاڭا داۋىستى تابۋ دا وڭاي ەمەس ەكەن. ء بىرىنشى ىرىكتەۋدەن 19 ۇل مەن قىز ءوتتى. تۇستەن كەيىن ولاردى بايقاۋدىڭ قوستاناي وبلىسى بويىنشا جۇلدىزدى تالىمگەرى مەدەۋ ارىنباەۆ ءوزى تىڭداپ, ءان دوداسىنا جىتىقارا قالاسىنان كەلىپ قاتىسقان 8 جاسار ياسمين ايۋپوۆانى جەڭىمپاز دەپ تانىدى. ايۋپوۆا 4 جاسىنان قالاداعى بالالار شىعارماشىلىعى مەكتەبىندە ۆوكالمەن اينالىسادى. ونىڭ سىرتىندا بي ۇيىرمەسىنە قاتىسادى, فورتەپيانودا وينايدى. – جالپى, بالالار اراسىنداعى قانداي جارىس بولسا دا, جەڭىمپازدى تاڭداۋ قيىن. ونىڭ ۇستىنە بىرىنەن-ءبىرى وتەتىن تالانتتى بالالاردان تاڭداۋ جاساۋ ەكى ەسە كۇردەلى دەر ەدىم. ىرىكتەۋ فينالىندا مەنىڭ تاڭداۋىم ياسمين ايۋپوۆاعا ءتۇستى. سەگىز جاسار بالعىن قىز – ناعىز تابيعي دارىن. ماعان كىشكەنتاي ءانشىنىڭ ءاندى شىنايىلىقپەن ورىندايتىن, ەشكىمدى قايتالامايتىن دارالىعى ۇنادى. مەن ءوز تاڭداۋىما ريزامىن. ەندى بايقاۋدىڭ فينالىنا دەيىن تەك دايىندىق جۇمىستارى عانا كۇتىپ تۇر,–دەدى مەدەۋ ارىنباەۆ. بايقاۋدىڭ ىرىكتەۋ تۋرى بالالارىن ونەر بايگەسىنە قوسقان اتا-انالارعا دا, ۇستازدارعا دا ۇنادى. ءادىل قورىتىندى شىقتى. ونەر دارىندىلاردى ۇناتادى. مۇنداي بايقاۋ بولاشاقتا كىم كورىنگەننىڭ ساحنادا ءجۇرىپ, قازاق ءانىنىڭ بەرەكەسىن كەتىرۋگە توقتاۋ بولارى ءسوزسىز.
ءنازيرا جارىمبەتوۆا, «ەگەمەن قازاقستان»
قوستاناي