داۋرەن اباەۆ مينيسترلىك وتاندىق اقپارات قۇرالدارىنىڭ حالىق ءۇشىن تارتىمدىلىعىن ارتتىرۋ جۇمىسىن جۇيەلى جۇرگىزىپ جاتقانىن اتاپ ءوتتى.
«سونىڭ ىشىندە مەملەكەتتىك تەلەارنالار بويىنشا ۇلكەن شارالار جۇزەگە اسىپ, تەلەونىمدەردىڭ ساپاسى ارتتى. اتاپ ايتقاندا, «Kazakh TV» مەن ء«بىلىم جانە مادەنيەت» تەلەارنالارى «Kazakh TV» اتاۋىمەن بىرىكتىرىلدى. تەلەارنا كونتەنتىنىڭ ەلدەگى جانە شەتەلدەگى كورەرمەندەردىڭ قىزىعۋشىلىعىنا ساي كەلۋىنە مۇمكىندىك بەرىلدى. فورماتى وزگەرىپ, جاڭا ارناعا اينالعان «حابار 24» ماڭىزدى اقپاراتتاردى قالىڭ كورەرمەنگە جەدەل ءارى ساپالى جەتكىزۋدە", دەدى مينيستر. سونداي-اق داۋرەن اباەۆ «قازاقستان» مەن «حابار» تەلەارنالارىندا دا مازمۇندى وزگەرتۋلەر جۇرگىزىلىپ, تەلەارنالار تالداۋ فورماتىنا كوشكەنىن اتاپ ءوتتى. "وتكەن جىلى «قازاقستان» مەن «حابار» تەلەارنالارى 16 سەريال ءتۇسىردى, ولاردىڭ اراسىندا «اكە», «اناعا ىڭكار جۇرەك», «اقىلدىڭ كىلتى» سياقتى ءساتتى جوبالار بار. بىرقاتار وتاندىق سەريالدى كورشى مەملەكەتتەر دە تاماشالاۋدا. بيىلعى جىلدان باستاپ «وتاۋ تۆ» سپۋتنيكتىك وپەراتوردىڭ پاكەتىنە «قازاقستان» جانە «قازسپورت» تەلەارنالارى نD فورماتىندا كورسەتە باستادى", دەدى مينيستر.
بايانداما بارىسىندا داۋرەن اباەۆ وسى جىلدىڭ ناۋرىز ايىندا التىن قورىمىزداعى وتاندىق فيلمدەردى كورسەتەتىن «ەل ارنا» اتتى جاڭا ارنا ىسكە قوسىلعانىن اتاپ ءوتتى. ونىڭ ايتۋىنشا, تەلەارنالارىمىزعا حالىقتىڭ قىزىعۋشىلىعى بۇرىنعىدان قاراعاندا ارتا تۇسۋدە. سونداي-اق مينيستر قازاقستاننىڭ بىرقاتار وڭىرىندە قازاق راديوسى, شالقار راديوسى تولىق ۇستامايتىنىن ايتىپ, وسى جىلدىڭ سوڭىنا دەيىن بۇل ولقىلىقتىڭ ورنىن تولتىرۋ ءۇشىن قاجەتتى جۇمىستار اتقارىلاتىنىن ايتتى.
گۇلنۇر قۋانىشبەكقىزى,
"ەگەمەن قازاقستان"
سۋرەتتى تۇسىرگەن ەرلان وماروۆ,
"ەگەمەن قازاقستان"