«مەملەكەتتىك قىزمەتشىلەرگە قوعام مەن مەملەكەت تاراپىنان ۇلكەن سەنىم ارتىلادى. ول ەلباسى ساياساتىن اتقارۋشى, مەملەكەتتىك باعدارلامالاردىڭ جۇزەگە اسۋىنا بەلسەنە اتسالىسادى. ەلباسى باستاماسىمەن مەملەكەتتىك اپپاراتتى جاڭعىرتۋ, مەملەكەتتىك قىزمەتشىلەر بىلىكتىلىگىن كوتەرۋ جۇمىستارى جۇرگىزىلىپ جاتىر. «ناقتى 100 قادام» ۇلتتىق جوسپارىنىڭ 15-قادامىندا ايتىلعان مىندەتتەرگە سايكەس مەملەكەتتىك قىزمەتشىنىڭ بىلىكتىلىك دايىندىعىن انىقتاۋ ءۇشىن بيىل «ب» كورپۋسىنا كەشەندىك اتتەستاتسيا جۇرگىزىلدى. 14-اقپان پەن 28-ءساۋىر ارالىعىندا وبلىستاعى اتقارۋ جانە وكىلەتتى ورگانداردىڭ 2400-دەن اسا مەملەكەتتىك قىزمەتشىلەرى اتتەستاتسيادان ءوتتى. ولار جوعارى دايىندىعىن كورسەتتى, ارنايى كوميسسيا ولاردىڭ كوپشىلىگىنە ءارى قاراي لاۋازىمدىق قىزمەتكە كوتەرىلۋگە كەپىلدىك بەردى» دەدى ارحيمەد بەگەجان ۇلى.
سونىمەن قاتار, مەملەكەتتىك قىزمەتشىلەردى مەلەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگى قوستاناي وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەستىڭ توراعاسى بەرىك بەكجانوۆ ء تول مەركەسىمەن قۇتتىقتادى.
سالتاناتتى جينالىستا مەملەكەتتىك قىزمەتشىلەرگە وبلىس اكىمىنىڭ قۇرمەت گراموتاسى, سونداي-اق مەملەكەتتىك قىزمەت جونىندەگى اگەنتتىك دەپارتامەنتى باسشىسىنىڭ العىس حاتتارى ۇزدىك قىزمەتشىلەرگە, قوعامدىق قايراتكەرلەرگە, جۋرناليستەرگە تابىس ەتىلدى. مەرەكەگە وراي دەپارتامەنت «ۇزدىك مەملەكەتتىك قىزمەتشى-2017», «بالالار سۋرەتتەرىنىڭ بايقاۋى» جانە «جوو ستۋدەنتتەرى اراسىندا سىبايلاستىققا قارسى شابۋىل» بايقاۋلارىن وتكىزگەن بولادى. سالتاناتتى جينالىستا بايقاۋلاردىڭ جەڭىمپازدارى ماراپاتتالدى.
جيىن سوڭى وبلىس ونەرپازدارىنىڭ كونتسەرتىنە ۇلاستى.
ءنازيرا جارىمبەتوۆا, «ەگەمەن قازاقستان»