جاڭا كاسىپورىن قازاقستاندىق مۇناي حيمياسى ونىمدەرىن شىعارماق. بۇل ونىمدەر مۇناي-گاز سەكتورىندا قىزمەت ەتۋشى كومپانيالاردىڭ قاجەتىن وتەيتىن بولادى. ياعني زاۋىتتا مۇناي مەن سۋدى تازارتۋعا ارنالعان قوسپالار, مۇناي-گاز سالاسىنداعى تەحنولوگيالىق قۇرال-جابدىقتىڭ پايدالانۋ مەرزىمىن ۇزارتىپ, قورعايتىن حيميالىق ونىمدەر شىعاتىن بولادى.
اليرەزا سايەد حوسەينيدىڭ ايتۋىنشا, جاڭا كاسىپورىندا زاماناۋي قوندىرعىلار ورناتىلىپ, قورشاعان ورتاعا زالالسىز, ەكولوگيالىق لاستاۋسىز جۇمىس ىستەيتىن بولادى. جاقىن كۇندەرى كومپانيانىڭ ءوندىرىس الاڭىندا مۇناي رەاگەنتتەرىن سينتەزدەپ, تاسىمالداۋعا دايىندايتىن تسەح سالىنباق. قازىردىڭ وزىندە سۋ مەن مۇناي نەگىزىندەگى تەحنولوگيالىق ەرىتىندىلەردى شىعاراتىن بلەندينگ تسەحىنىڭ ينجينيرينگى تولىق ءازىر. رەزەرۆۋار پاركى, ساقتاۋشى قويمالار جانە حيميالىق زەرتحانا جوباسى دايىن.
– جاڭا جوبامىزعا العاشقى جىلى 2 ملرد تەڭگە ينۆەستيتسيا قۇيعالى وتىرمىز. بۇل – جوعارى تەحنولوگيالى ءوندىرىس بولماق. زاۋىتتا جىلىنا 5 مىڭ توننا ارناۋلى حيميالىق ءونىم شىعارىلاتىن بولادى, – دەيدى يراندىق كاسىپكەر.
كاسىپورىن جۇمىسىن باسقارىپ, قۇرىلىس بارىسىن باقىلاۋ ءۇشىن اليرەزا مىرزا جاقىندا ورال قالاسىنا كوشىپ كەلمەك ەكەن. كومپانيانىڭ دامۋ بويىنشا ديرەكتورى عايسا جۇماليەۆتىڭ ايتۋىنشا, جاڭا زاۋىت تاياۋ ارادا مۇناي-گاز كومپانيالارىن قازاقستاندا وندىرىلگەن جوعارى ساپالى حيميا ونىمدەرىمەن قامتاماسىز ەتەتىن بولادى. باتىس قازاقستان وبلىسىنىڭ گەوگرافيالىق جاعىنان ىڭعايلى ورنالاسۋى ءونىمدى تاسىمالداۋ شىعىنىن ەداۋىر ازايتادى. كومپانيا تاياۋ بولاشاقتا ەاەو ەلدەرىنىڭ نارىعىنا ءونىم شىعارۋدى دا جوسپارلاپ وتىر.
جوبانىڭ ينۆەستورى رەتىندە تانىستىرىلعان يراندىق حونساري موحامماد الي مۇناي-گاز حيمياسى ونەركاسىبى سالاسىندا 50 جىلدىق تاجىريبەسى بار كاسىبي مامان ەكەن. جاڭا جوبا ءۇشىن قارجىسى مەن تاجىريبەسىن قاتار سالىپ وتىرعان ينۆەستور بىرلەسكەن كاسىپورىننىڭ بولاشاعى جارقىن بولادى دەگەن ويىن ءبىلدىردى.
قۇرىلىسى ورال قالاسىنىڭ ىرگەسىندەگى جەلاەۆ كەنتىنىڭ وندىرىستىك اۋماعىندا ورنالاساتىن جاڭا زاۋىتتا 50-ءدىڭ ۇستىندە ادام تۇراقتى قىزمەت جاسايتىن بولادى. عايسا الىبەك ۇلى العاشقى كەزدە زاۋىتتا كەيبىر شەتەلدىك ماماندار قىزمەت ەتكەنىمەن, كەيىن ولاردىڭ ورنىنا وتاندىق ماماندار وقىتىلىپ, الماستىرىلاتىنىن ايتادى.
– «QazChem» كومپانياسىنىڭ ونىمدەرى وسى كەزگە دەيىن شەت ەلدەن الىپ كەلگەن يمپورتتىڭ ورنىن الماستىراتىن بولادى. ءبىز رەسەي نارىعىنا دا شىعۋدى كوزدەپ وتىرمىز, – دەيدى عايسا جۇماليەۆ.
قازبەك قۇتتىمۇرات ۇلى, «ەگەمەن قازاقستان»
ورال