قوعام ومىرىنە بەلسەندى ارالاسىپ جۇرگەن قۇرمانعازى اۋدانى اكىمى جانىنداعى انالار كەڭەسىنىڭ ءتورايىمى بالعانىم حاسەنوۆا «ازاماتتىق اسقاقتىق» اتالىمىنا لايىق دەپ تانىلدى. ال ۇستازدار ديناستياسىن جالعاستىرۋشى ماعيسا يبراشەۆا «ەرەن ەڭبەك جولى» نوميناتسياسىندا ۇزدىك اتاندى. ول باسقاراتىن يندەر اۋدانىنداعى ق.اباحانوۆ اتىنداعى ورتا مەكتەپ بىرنەشە جىل قاتارىنان «ۇلگىلى ءبىلىم مەكەمەسى», «جىل مەكتەبى» بولىپ ءجۇر. «مەملەكەتتىك قىزمەت ساپىندا» نوميناتسياسى بويىنشا ماقات اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ مەڭگەرۋشىسى گۇلجانار وتەشوۆانىڭ ەسىمى اتالدى.
نۇرلان ەسمۇحانوۆ – «تابيعات جاناشىرى», ابىلاي قۇرمەت ۇلى «جاستىق جىگەر», مۇرات بەكتەنوۆ «ۇرپاققا ۇلاعات» اتالىمدارىندا ارنايى ماراپات يەلەندى. پاتريوتتار فورۋمىنىڭ ەڭ جاس قاتىسۋشىسى – قۇرمانعازىلىق ەرماحان ناسيحان. ەڭبەكشى ورتا مەكتەبىندە وقيتىن 13 جاستاعى ەرماحان دوسى بەيبارىس قايروللا ۇلى ەكەۋى سۇرحان وزەنىندە سۋعا باتىپ بارا جاتقان ايەلدى قۇتقارىپ قالعان ەدى. ىشكى ىستەر مينيسترلىگىنىڭ «توتەنشە جاعدايداعى ەرلىگى ءۇشىن» توسبەلگىسىمەن, ءبىلىم جانە عىلىم مينيسترلىگىنىڭ «ەلجاندى پاتريوت» توسبەلگىسىمەن ماراپاتتالعان ە.ناسيحاننىڭ ەسىمى تاعى دا ۇزدىكتەر قاتارىندا اتالدى.
وبلىستىق ىشكى ساياسات باسقارماسى باسشىسىنىڭ مىندەتىن اتقارۋشى زليحا تالاسبەكوۆانىڭ ايتۋىنشا, مۇنداي شارالاردىڭ ماقساتى – ازاماتتاردىڭ قوعام ومىرىنە بەلسەندى قاتىسۋىن ىنتالاندىرىپ, جاقسى قاسيەتتەرى مەن ىزگىلىكتى ىستەرىن ەلگە ۇلگى ەتۋ.
باقىتگۇل باباش, «ەگەمەن قازاقستان»
اتىراۋ