لوندون پوليتسياسىنىڭ بولجامىنشا, Grenfell Tower كوپ قاباتتى ۇيىندە بولعان ورتتەن كەمىندە 79 ادام قازا تاپقان. الايدا, بۇل دەرەكتە ءىز-ءتۇسسىز جوعالعاندار دا قوسا قامتىلىپ وتىر, دەپ حابارلايدى BBC-ءدىڭ رەسەيلىك قىزمەتى.
پوليتسيا قيراندىلار استىنان ءىز-ءتۇسسىز جوعالعاندار قاتارىنا جاتقىزىلعان تاعى بەس ادامنىڭ ءمايىتى تابىلعانىن جەتكىزدى.
قۇقىق قورعاۋشىلار ورتتەن قازا بولعاندار سانى ءالى دە وزگەرەتىنىنە سەنىمدى. ولاردىڭ ايتۋىنشا, ورتەنگەن عيمارات ىشىنەن ادامداردى الىپ شىعۋ وپەراتسياسى كەمىندە بىرنەشە اپتاعا جالعاسادى.
سولتۇستىك كەنسينگتون اۋدانىندا ورنالاسقان 24 قاباتتى Grenfell Tower عيماراتىنداعى ءورت ماۋسىمنىڭ 13-ىنەن 14-ىنە قاراعان ءتۇنى ورىن الدى. جەرگىلىكتى بيلىك وكىلدەرى ءورت كەزىندە عيماراتتا 600-دەي ادام بولۋى مۇمكىن ەكەنىن العا تارتادى.
اپاتپەن كۇرەسۋگە 200-گە جۋىق ءورت ءسوندىرۋشى, 40 تەحنيكا جۇمىلدىرىلدى.
ءورتتىڭ شىعۋ سەبەبى ازىرگە انىقتالعان جوق.