Google كومپانياسى ءوز قاراماعىنداعى YouTube ۆيدەوحوستينگىندە ەكسترەميستىك باعىتتاعى بەينەروليكتەردىڭ تارالۋىنا قارسى كۇرەستى كۇشەيتەدى. بۇل تۋرالى كەشە كورپوراتسيانىڭ رەسمي مالىمدەمەسىندە ايتىلدى.
كومپانيا تەرروريزمدى ناسيحاتتاۋعا باعىتتالعان جانە وزگە دە ەكسترەميستىك سيپاتتاعى كونتەنتتى اۆتوماتتى تۇردە انىقتاپ, وشىرەتىن قۇرالدارىن جاڭارتىپ, جەتىلدىرەدى. سونداي-اق Google مۇنداي ۆيدەولاردى انىقتاۋمەن اينالىساتىن قىزمەتكەرلەر سانىن ارتتىرۋدى دا كوزدەپ وتىر.
بۇدان بولەك, كومپانيا وكىلدەرى ينتەرنەت جەلىسىندە ەكسترەميستىك ماتەريالداردىڭ تارالۋىنا قارسى كۇرەس جۇرگىزىپ وتىرعان قوعامدىق ۇيىمدارمەن ىنتىماقتاستىق ورناتۋعا ۋادە بەردى.
«ەكسترەميستەر مەن تەررورشىلار ءبىزدىڭ قاۋىپسىزدىگىمىزگە نۇقسان كەلتىرىپ قانا قويماي, قوعامعا اشىقتىق ءارى ەركىندىك بەرەتىن قۇندىلىقتارىمىزدى دا جويعىسى كەلەدى. ءبىز وعان جول بەرمەيمىز», – دەلىنگەن كومپانيانىڭ مالىمدەمەسىندە.