«ماكروەكونوميكالىق تۇراقتىلىقتى جانە مەملەكەت قارجىسىنىڭ تەڭگەرىمدىلىگىن قامتاماسىز ەتۋ ءۇشىن 2016 جىلى بيۋدجەت ساياساتى بىرقاتار شەكتەۋلەردىڭ نەگىزىندە قالىپتاستى. وسىنىڭ ءبىرى - بيۋدجەت تاپشىلىعىنىڭ كولەمىن باقىلاۋ. بيۋدجەت تاپشىلىعىنىڭ مولشەرى جوسپارداعى كورسەتكىشتەن 161,5 ملرد. تەڭگەگە تومەندەپ, 741 ملرد. تەڭگەنى قۇرادى. ەكى پالاتانىڭ جۇمىس توپتارىندا اسا نازار اۋدىرىلىپ تالقىلانعان ماسەلە - مەملەكەتتىك جانە كۆازيمەملەكەتتىك بورىشتىڭ ءوسۋى. الداعى ۋاقىتتا بيۋدجەت تاپشىلىعىن تەك ىشكى رەسۋرستاردىڭ ەسەبىنەن قارجىلاندىرۋدى جوسپارلاۋدامىز. حولدينگتەر مەن ۇلتتىق كومپانيالاردىڭ سىرتتان قارىز الۋ وپەراتسيالارى ۇكىمەتپەن كەلىسىلەتىن بولادى. بورىشتىق جۇكتەمەنىڭ قاۋىپسىز دەڭگەيدە بولۋى ارقاشان قاتاڭ باقىلاۋدا بولادى»,-دەدى مينيستر.
سومەن قاتار, ب. سۇلتانوۆ بيۋدجەتتىڭ ورىندالۋىنا قاتىستى ەسەپتى قاراۋ كەزىندە دەپۋتاتتار ۇسىنىستارىنىڭ ماڭىزى زور ەكەندىگىن جەتكىزدى.
«وسى جەردە قوزعالعان جۇيەلى ماسەلەلەر بىزگە سالىقتىق اكىمشىلەندىرۋدەگى, بيۋدجەت پروتسەستەرىندەگى كەمشىلىكتەردى جەتىلدىرۋگە كومەك بولادى»,-دەدى قارجى ءمينيسترى دەپۋتاتتارعا قاراتىپ ايتقان سوزىندە.