العاشقى رەيسپەن ۆەنگەر رەسپۋبليكاسىنىڭ ۇلتتىق ەكونوميكا ءمينيسترى ميحاي ۆارگا باستاعان دەلەگاتسيا ۇشىپ كەلەدى.
مامانداندىرىلعان حالىقارالىق ەكسپو-2017 كورمەسى قارساڭىندا اشىلىپ وتىرعان جاڭا باعىت ايتۋلى وقيعا بولىپ وتىر. بۇل قازاقستان مەن ۆەنگريا اراسىنداعى ديپلوماتيالىق جانە بيزنەس قارىم-قاتىناستى, حالىقارالىق ىنتىماقتاستىقتى نىعايتۋعا ىقپال ەتەتىن بولادى.
وتكەن جىلدىڭ 24 قاراشاسىنداعى اۆياتسيالىق بيلىكتىڭ كەلىسسوزدەرىنىڭ قورىتىندىسىندا استانا – بۋداپەشت باعىتى بويىنشا ەكى ەل ءۇشىن اپتاسىنا 7 رەيس جاساۋ قۇقىعى بەرىلگەن بولاتىن.
«WizzAir» اۋە كومپانياسىنىڭ اقپاراتى بويىنشا, استانادان بۋداپەشتكە دەيىنگى ەڭ تومەنگى بيلەت قۇنى تەك ءبىر جاققا تىركەۋ قىزمەتى مەن جۇكتى قوسقاندا 49-دان 130 ەۋروعا دەيىنگى سومانى قۇرايدى. بۇدان بولەك, لوۋكوستەرمەن اۋە تاسىمالى ەرەجەسى بويىنشا باسقا دا قىزمەتتەر ءۇشىن قوسىمشا اقى تولەۋ قاراستىرىلعان (تىركەۋ, جۇك, تاماقتانۋ, ورىندى تەگىن تاڭداۋ جانە ت.ب.).