اتالمىش قوردىڭ مۇنداي قادامعا الماتى قالاسى بويىنشا قولدانىستاعى «الماتى-ءونىم, «الماتى-يننوۆاتسيا», «جىبەك جولى» جانە «الماتى-تۋريزم» سەكىلدى باعدارلامالاردى جۇرتشىلىققا كەڭىنەن ءناسيحاتتاۋ ۇشىن بارىپ وتىر.
سونىمەن قوردىڭ اشىق ەسىك كۇنىنە 150 شاقتى ادام كەلىپ, 400-گە تارتا كەڭەس بەرىلدى. كەزدەسۋگە بانك وكىلدەرى دە شاقىرىلعان. ولار كاسىپكەرلەرگە بيزنەس ءۇشىن نەسيە الۋ تالاپتارىن ءتۇسىندىردى. سونداي-اق, كەڭەس بەرۋشىلەر قاتارىندا حالىققا قىزمەت كورسەتۋ ورتالىقتارى (حقكو), پروكۋراتۋرا, الماتى قالاسى مەملەكەتتىك كىرىستەر باسقارماسىنىڭ وكىلدەرى مەن اكىمشىلىك قىزمەتكەرلەرى دە بار. كەلۋشىلەردى نەگىزىنەن فرانشيزا ساتىپ الۋ, ايماقتىق بيزنەستى قارجىلاندىرۋ باعدارلامالارى, جاڭادان ءىس باستاۋ – ستارتاپ جوبالاردى قارجىلاندىرۋ, جك مەن جشس تىركەۋ, نەسيەگە كەپىلدەمە بەرۋدى قاراستىرۋ مەرزىمى مەن نەسيە پايىزىن سۋبسيديالاۋ تارتىپتەرى سەكىلدى سۇراقتار قىزىقتىردى. اشىق ەسىك كۇنى اياسىندا اۋلادا «دامۋ» قورىنىڭ قولداۋىن العان وتاندىق وندىرۋشىلەردىڭ كورمە-جارمەڭكەسى دە ءوتتى.
2012 جىلدان باستاپ 2017 جىلدىڭ ماۋسىم ايى اراسىندا الماتى قالاسىنداعى كاسىپكەرلەرگە قىزمەت كورسەتۋ ورتالىعىندا شامامەن 24 848 مىڭ قىزمەت كورسەتىلىپ, 19213 ادام كەڭەس العان. ال 2017 جىلدىڭ العاشقى 5 ايىندا 2 كاسىپكەرلەرگە قىزمەت كورسەتۋ ورتالىعى مەن جىلجىمالى تۇردە كاسىپكەرلەرگە قىزمەت كورسەتۋ ورىندارى 3 مىڭنان استام قىزمەت ءتۇرىن كورسەتكەن.
ايناش ەسالي,
«ەگەمەن قازاقستان».
الماتى