بۇگىندە رەسپۋبليكا كولەمىندە 2 ميلليونعا جۋىق ادام كاسىپوداق ۇيىمدارىندا تىركەلسە, شىعىس قازاقستان وبلىسىندا 2073 باستاۋىش كاسىپوداق ۇيىمىندا 157027 ادام مۇشەلىككە وتكەن. مەرەكەلىك شارادا بايانداما جاساعان وبلىستىق كاسىپوداقتار ورتالىعى ديرەكتورىنىڭ مىندەتىن اتقارۋشى ايجان سادىقوۆا وڭىردەگى سالالىق بىرلەستىكتەردىڭ ناتيجەلى جۇمىس اتقارىپ كەلە جاتقانىن اتاپ ءوتتى.
«ماسەلەن,ء بىلىم مەن عىلىم قىزمەتكەرلەرىنىڭ وبلىستىق كاسىپوداق ۇيىمى جاستاردىڭ فورۋمىن ۇيىمداستىرىپ, ناتيجەسىندە جوعارى وقۋ ورنىنىڭ 100 تۇلەگى جۇمىسقا ورنالاسىپ, 50 ستۋدەنت وندىرىستىك تاجىريبەگە جىبەرىلدى. ورمان شارۋاشىلىعى مەن جانۋارلار الەمى قىزمەتكەرلەرىنىڭ كاسىپوداقتار ءۇيىمى وز ەڭبەككەرلەرىن بىلتىر «ۇزدىك جاس جۇمىسشى», بيىل «ۇزدىك ورمان شارۋاشىلىعى» اتالىمدارى بويىنشا ماراپاتتادى. بۇل كاسىپوداق ۇيىمى جاز ماۋسىمىندا مەكتەپ وقۋشىلارىنا ورمانشىلىق كاسىپتىڭ قىر-سىرلارىن ۇيرەتەدى, عىلىمي جوبالارعا قاتىستىرادى. بۇعان مىسال رەتىندە كاتونقاراعاي اۋدانىنىڭ وقۋشىلارىنىڭ رەسەيدە وتكەن حالىقارالىق ورمانشىلار بايقاۋىنا قاتىسىپ, جۇلدەلى ورىننان كورىنگەنىن ايتۋعا بولادى», - دەدى.
ايجان سادىقوۆا قازىرگى ۋاقىتتا وڭىردەگى كاسىپوداق ۇيىمدارىنىڭ اشىقتىعىن, قولجەتىمدىلىگىن قامتاماسىز ەتۋ ءۇشىن رەسپۋبليكادا العاش بولىپ بىرىڭعاي اقپاراتتىق بازا قۇرۋمەن اينالىسىپ جاتقاندىقتارىن جەتكىزدى. سونىمەن قاتار وبلىستاعى كاسىپورىندار مەن ۇيىمدارمەن جاسالاتىن ۇجىمدىق كەلىسىمشارتتاردىڭ ساپاسىن جاقسارتۋدى, قىزمەتكەرلەرگە جاسالاتىن جەڭىلدىكتەر سانىن كوبەيتۋدى دە جوسپارلاپ وتىرعاندىقتارىن ايتتى.
مەرەكەلىك شاراعا وبلىس اكىمىنىڭ ءبىرىنشى ورىنباسارى نۇرىمبەت ساقتاعانوۆ تا قاتىسىپ, وڭىردەگى كاسىپوداق ۇيىمىنىڭ بىرقاتار قىزمەتكەرلەرىن وبلىس اكىمىنىڭ العىس حاتىمەن جانە قازاقستان رەسپۋبليكاسى كاسىپوداقتار فەدەراتسياسىنىڭ «كاسىپوداقتارعا سىڭىرگەن ەڭبەگى ءۇشىن» توسبەلگىسىمەن ماراپاتتادى.
ازامات قاسىم,
«ەگەمەن قازاقستان»
وسكەمەن
سۋرەتتى تۇسىرگەن ناسيحات وركەشباەۆا