2017 جىلى الەم بويىنشا توقپەن جۇرەتىن كولىكتەر سانى بىلتىرعىمەن سالىستىرعاندا 60%-عا كوبەيىپ, 2 ملن-عا جەتتى, دەپ حابارلايدى انادولى اگەنتتىگى.
اگەنتتىكتىڭ مالىمەتىنشە, الەم بويىنشا كولىكتىڭ بۇل ءتۇرىنىڭ كەڭىنەن تاراي باستاۋى مەملەكەتتەردىڭ وسى باعىتتاعى قولعا العان ساياساتتارىنا تىكەلەي بايلانىستى. سونىمەن قاتار, ەنەرگەتيكا نارىعىنداعى احۋال دا اۆتوكولىك شىعاراتىن كومپانيالاردىڭ وسى باعىتتاعى جۇمىستارىن كۇشەيتۋىنە تۇرتكى بولعان.
الدىن الا بولجامدارعا سۇيەنسەك, 2020 جىلى ەلەكتركولىكتەردىڭ سانى 20 ملن, ال 2025 جىلعا دەيىن 70 ملن-عا دەيىن ۇلعايماق.
وتكەن جىلى توقپەن جۇرەتىن كولىكتەر قىتايدا ەڭ كوپ ساتىلدى. ءبىر جىل ىشىندە قىتايدا 336 مىڭ كولىك ساتىلسا, اقش-تا 159 مىڭ كولىك ساتىلدى. ال ءۇشىنشى ورىنداعى نورۆەگيادا 50 مىڭنان استام ەلەكتركولىك ساتىلعان.