شارادا وقو مəدەنيەت باسقارماسىنىڭ باسشىسى نۇربولات احمەتجانوۆ جəنە ءتۇرسوي ۇيىمىنىڭ ارنايى وكىلى ەلچين گافارلى فەستيۆال قاتىسۋشىلارى مەن كىشكەنە كورەرمەندەردى تۇركى ەلدەرىنە ورتاق ايتۋلى كۇنمەن قۇتتىقتادى.
سالتاناتتى اشىلۋ ءرəسىمى س. قوجامقۇلوۆ اتىنداعى جەزقازعان قازاق مۋزىكالىق-دراما تەاترىنىڭ قۋىرشاق ترۋپپاسىنىڭ قازاق حالىق ەرتەگىسى جەلىسىندە قۇرىلعان "قاڭباق شال" قويىلىمىنا جالعاستى.
"ورتەكە" حالىقارالىق فەستيۆالىنىڭ ماقساتى – كاسىبي قۋىرشاق ونەرىن كوپشىلىككە تانىتۋ, ايماقارالىق ىنتىماقتاستىق پەن كاسىبي قۋىرشاق ونەرى سالاسىنداعى حالىقارالىق مادەني بايلانىستى نىعايتۋ, دارىندى ارتىستەر مەن رەجيسسەرلەردى انىقتاپ, ىنتالاندىرۋ, قۋىرشاق ونەرى اكتەرلەرىنىڭ كاسىبي جانە ورىنداۋشىلىق شەبەرلىگى دەڭگەيىن ارتتىرۋ, وتاندىق قۋىرشاق ونەرىنىڭ دامۋىنا جاعداي جاساۋ بولىپ تابىلادى.
فەستيۆال اياسىندا تۇركىستان – شىمكەنت قالالارىنىڭ تۇرعىندارى مەن قوناقتارى: م. جانعازيەۆ اتىنداعى قىرعىز مەملەكەتتىك قۋىرشاق تەاترى, ابدوللا شايگ اتىنداعى ءازىربايجان مەملەكەتتىك قۋىرشاق تەاترى, تۇركيادان ادانا قالالىق مۋنيتسيپالدىق تەاترى مەن جانە «قاراكوز» تەاترلارى, سونىمەن قاتار اقتوبە وبلىستىق «الاقاي» قۋىرشاق تەاترى, ماڭعىستاۋ وبلىستىق قۋىرشاق تەاترى, وڭتۇستىك قازاقستان وبلىستىق قۋىرشاق تەاترى جانە س.قوجامقۇلوۆ اتىنداعى جەزقازعان قازاق مۋزىكالىق دراما تەاترى ۇجىمدارىنىڭ ورىنداۋىندا قازاقستاندىق جانە شەتەلدىك اۆتورلاردىڭ تۋىندىلارىن تاماشالاي الادى.
وسى ورايدا, بارلىق سپەكتاكل كورسەتىلىمدەرىنىڭ قۇرامىنا رەجيسسەر, استانا قالاسى قۋىرشاق تەاترىنىڭ كوركەمدىك جەتەكشىسى, قر ەڭبەك سىڭىرگەن ءارتىسى ەشمۇراتوۆا قۇرالاي حالەكەتقىزى (قازاقستان), UNİMA حالىقارالىق قۋىرشاق تەاترلارى وداعىنىڭ تۇركياداعى مۇشەسى, سىنشى, قۋىرشاق تەاترلارىن زەرتتەۋشى-جازۋشى وزحان مەۆلۋت (تۇركيا), رەسەيدىڭ ەڭبەك سىڭىرگەن ءارتىسى, ورىنبور وبلىستىق قۋىرشاق تەاترىنىڭ كوركەمدىك جەتەكشىسى سميرنوۆ ۆاديم الەكساندروۆيچ (رەسەي), الماتى قالاسى مەملەكەتتىك قۋىرشاق تەاترىنىڭ اكتريساسى, قر ەڭبەك سىڭىرگەن ءارتيسى سابيلا ابۋەۆا (قازاقستان), د. تاناسوگلۋ اتىنداعى گاگاۋىز ۇلتتىق تەاترىنىڭ ديرەكتورى ميحايل كونستانتينوۆ ( مولدوۆا) تورەلىك ەتەتىن بولادى.
حالىقارالىق شارا قازىلار القاسىنىڭ قاتىسۋىمەن ءباسپاسوز وتىرىسىنان باستاۋ العان بولاتىن. بۇقارالىق اقپارات قۇرالدارى وكىلدەرىمەن كەزدەسۋدە فەستيۆال ماقساتى مەن تالاپتار سىندى كوپتەگەن ساۋالدارعا جاۋاپ بەرىلدى.
"ورتەكە" V حالىقارالىق فەستيۆالى 9 ماۋسىمعا دەيىن جالعاسادى. جەڭىمپازدار تۇركسوي حالىقارالىق ۇيىمىنىڭ ارنايى تاعايىنداعان جۇلدەلەرىمەن ماراپاتتالادى.