اپپارات كەڭەسىندە ايماقتاعى جول جوندەۋ جۇمىستارىنىڭ جانە دەنە شىنىقتىرۋ مەن سپورتتى دامىتۋدىڭ بارىسى تۋرالى ماسەلەلەر قارالدى.
كۇن تارتىبىنە ساي وبلىس اكىمى جينالعاندارعا جولاۋشىلار كولىگى جانە اۆتوموبيل جولدارى باسقارماسىنىڭ جاڭا باسشىسى جولامان باكىشەۆتى تانىستىرىپ, قىزمەتىنە تابىس تىلەدى. وسى باسقارما باسشىسىنىڭ ورىنباسارى دۋدار ساعيتوۆتىڭ جاساعان بايانداماسىندا وبلىستا 7890 شاقىرىم جول بارى ايتىلدى. ونىڭ 2260 شاقىرىمى رەسپۋبليكالىق, 2665 شاقىرىمى وبلىستىق ماڭىزعا يە. وسى كۇنى بۇل جولداردىڭ ءبىرازى جوندەۋدى تالاپ ەتەدى.
2017 جىلى باسقارماعا وسى ماقساتقا 11,7 ميلليارد تەڭگە قارجى ءبولىندى. ونىڭ 5 ميللياردقا جۋىعى رەسپۋبليكالىق, قالعانى وبلىستىق بيۋدجەتتەن ءبولىنىپ وتىر. بۇل قارجىعا 177,7 شاقىرىم جەرگىلىكتى ماڭىزداعى جولدار جوندەلۋى ءتيىس. بۇل جۇمىس بەس باعدارلاما اياسىندا جۇزەگە اسىرىلماقشى. سونىڭ ىشىندە استانانىڭ ىرگەسىندەگى ەلدى مەكەندەردى جانە ششۋچينسك-بۋراباي كۋرورتتى ايماعىن دامىتۋعا قاتىستى جۇمىستار ەرەكشە ورىن الادى.
بايانداماشى وسى جۇمىستاردىڭ بارلىعىن ەگجەي-تەگجەيلى ايتا كەلە, وبلىس اكىمىنىڭ قويعان ساۋالدارىنا دا جاۋاپ بەرۋىنە تۋرا كەلدى. ايماق باسشىسى اسىرەسە, جولداردى جاڭارتۋعا جانە جوندەۋگە بولىنگەن قارجىنىڭ ءتيىمدى جۇمسالىپ, تولىق يگەرىلۋىنە باسا ەكپىن قويدى.
سونىمەن قاتار, وبلىستىق دەنە شىنىقتىرۋ جانە سپورت باسقارماسىنىڭ باسشىسى نادەجدا پاتيۋتكينانىڭ دا بايانداماسى تىڭدالدى. ونىڭ ايتۋىنشا, وتكەن جىلعا قاراعاندا جاڭادان 71 سپورت قوندىرعىسى ىسكە قوسىلعان ەكەن. بايانداماشى ايماقتا كەيبىر سپورت تۇرلەرىنىڭ دامىماي وتىرعانىن ايتىپ, شەتتەن شاقىرىلاتىن جاتتىقتىرۋشىلارعا پاتەر بولسا دەگەن تىلەگىن جەتكىزدى. جەرگىلىكتى «وقجەتپەس» كومانداسىنىڭ ستاديونىن جوندەۋ ماسەلەسى دە ءسوز بولدى.
كەڭەستى قورىتىندىلاعان ايماق باسشىسى ستاديوننىڭ قايتا جاڭارتىلاتىنىن اتاپ ءوتتى.