تاعىلىمداماعا قاتىسۋشىلاردى تىركەۋ 2017 جىلدىڭ 1 ساۋىرىنەن باستاپ 25 مامىرىنا دەيىن جۇرگىزىلدى. وسى ۋاقىتقا دەيىن ستۋدەنتتەردەن 500-دەن اسا ءوتىنىش كەلىپ تۇسكەن.
باعدارلامالاۋ مەن وزىندىك IT-تەحنولوگيا قۇرا ءبىلۋ – جاستارىمىزدىڭ زامانا اعىمىنا ىلەسە بىلۋىنە, باسەكەگە قابىلەتتى بولۋىنا مۇمكىندىك بەرمەك.
ەكى اي بويى جاستار وتاندىق جانە شەتەل ماماندارىنان تاجىريبە جۇزىندە ءبىلىم الا الادى. كۋرستىق باعدارلامادا موبيلدىك جانە ۆەب-زەرتتەمە, ماشينالىق وقىتۋ, ۆig Data, ماركەتينگ پەن بيزنەس-تالداۋ سەمينارلارى جۇرەدى.
سونداي-اق, ستۋدەنتتەرگە «تەحنولوگيالىق دامۋ بويىنشا ۇلتتىق اگەنتتىك» اق باسقارما توراعاسى مارات وماروۆ, «قازپوشتا» اق يننوۆاتسيالىق جانە اقپاراتتىق تەحنولوگيالار بويىنشا باسقارۋشى ديرەكتورى ناريمان مۇقىشەۆ, قازمزۋ جوعارى ەكونوميكا مەكتەبى دەكانى ديلبار گيمرانوۆا سىندى ماماندار دا ساباق بەرەدى.
تاعلىمداما اياقتالعان سوڭ قازاقستاندىق جاستار ءۇشىن ءبىلىم بەرۋ تۇعىرناماسى قۇرىلادى.
ايناش ەسالي, «ەگەمەن قازاقستان»