بيىل العاشقى ءۇش ايدا دەنساۋلىق ساقتاۋ جانە الەۋمەتتىك قىزمەت ۇيىمدارى قازاقستاندىقتارعا 263,3 ملرد تەڭگەنىڭ قىزمەتىن كورسەتكەن, بۇل وتكەن جىلدىڭ وسى كەزەڭىمەن سالىستىرعاندا 2,4%-عا ارتىق. ونىڭ ىشىندە 80,3%-ى بيۋدجەت قاراجاتى ەسەبىنەن, 13,8% - تۇرعىندار ەسەبىنەن جانە 5,9 % - كاسىپورىندار ەسەبىنەن جۇمسالعان.
ايتا كەتەرلىگى, ەلىمىزدەگى استانا, الماتى سەكىلدى ەكى ءىرى مەگاپوليسكە دەنساۋلىق ساقتاۋ جانە الەۋمەتتىك كومەك قىزمەتى سالالارىنىڭ بارلىق قىزمەتتەرىنىڭ 30%-عا جۋىعى عانا جۇمسالادى, الايدا مۇندا ەلىمىزدىڭ نەبارى 15% تۇرعىنى شوعىرلانعان. بۇل سونىمەن قاتار, ەكى قالادا رەسپۋبليكالىق دەڭگەيدەگى مەديتسينالىق ورتالىقتاردىڭ كوپتىگىن بىلدىرەدى. قىزمەت بويىنشا ەڭ جوعارعى ورتا چەك تە استانادا تىركەلگەن. مۇندا ادام باسىنا 41,1 مىڭ تەڭگە (جىلىنا +8%) جانە الماتىدا ادام باسىنا 25 مىڭ تەڭگە (جىلىنا +2,4%).
سالىستىرمالى تۇردە, قازاقستان بويىنشا ورتا ەسەپپەن دەنساۋلىق ساقتاۋ جانە الەۋمەتتىك كومەك بويىنشا 2017 جىلدىڭ قاڭتار-ناۋرىز ايلارىنداعى كورسەتكىش ادام باسىنا شاققاندا 14,8 مىڭ تەڭگە, بۇل وتكەن جىلدىڭ وسى كەزەڭىمەن سالىستىرعاندا, 1,9%-عا ارتقان.