ەكسپو-2017 حالىقارالىق كورمەسى قارساڭىندا قازاقستان استاناسىنان شىعاتىن حالىقارالىق رەيستەردى اشۋ جالعاسۋدا.
قىتايدىڭ Air China اۋە كومپانياسى استانا-بەيجىڭ (قىتاي) حالىقارالىق جاڭا اۋە رەيسى بويىنشا ۇشۋدى باستادى. اۋە رەيستەر ەيرباس-320 تيپىندەگى اۋە كەمەسىمەن اپتاسىنا 3 رەت, سەيسەنبى, بەيسەنبى جانە جەكسەنبى كۇندەرى ورىندالادى.
اتالمىش رەيستى اشۋدا ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى مەن قىتاي حالىق رەسپۋبليكاسىنىڭ اۆياتسيا بيلىگى بىرلەسكەن جۇمىستار اتقاردى.
ەسكە سالا كەتەيىك, وسى اپتادا استانا اۋەجايى ۆارشاۆامەن (پولشا), ەرەۆانمەن (ارمەنيا) جانە كيەۆپەن (ۋكراينا) تىكەلەي اۋە قاتىناسىن ورناتقان بولاتىن.
«ەگەمەن-اقپارات»