قازاقستاندىقتار ەكىنشى دەڭگەيلى بانكتەرگە 3,7 ترلن تەڭگە قارىز. بۇل جايىندا بۇگىن «قازاقستان رەسپۋبليكاسى ازاماتتارىنىڭ تولەمگە قابىلەتتىلىگىن قالپىنا كەلتىرۋ تۋرالى» زاڭ جوباسىن تالقىلاۋ بارىسىندا قر ۇلتتىق بانكى قارجىلىق قىزمەتتەردى تۇتىنۋشىلاردىڭ قۇقىعىن قورعاۋ باسقارماسى باسشىسىنىڭ ورىنباسارى يمان ءال-كەيسي ءمالىم ەتتى, دەپ حابارلايدى قازاقپارات.
«2017 جىلدىڭ 1 ساۋىرىندە جەكە تۇلعالارمەن جاسالعان 5 383000 بانكتىك زايم كەلىسىمشارتتار بولدى. ولار بويىنشا قالدىق بورىش 3,7 ترلن تەڭگەدەن اسىپ جىعىلادى. ونىڭ ىشىندە 1,5 ترلن تەڭگەدەن استام سوماعا شامامەن 338 مىڭ كەلىسىمشارتقا جىلجىمايتىن م ۇلىك تۇرىندە كەپىل قويىلعان», دەدى ول.
ونىڭ ايتۋىنشا, تولەم مەرزىمى 90 كۇننەن اسىپ كەتكەن 464521 بانكتىك زايم كەلىسىمشارتى بار. ولاردىڭ قالدىق بورىشى 442,7 ملرد تەڭگەنى قۇرايدى. ال ونىڭ ىشىندە سوماسى 224,5 ملرد تەڭگەنى قۇرايتىن 3319 بانكتىك زايم كەلىسىمشارتىنا جىلجىمايتىن م ۇلىك كەپىلدە تۇر.
«بۇل ۇلتتىق بانكتەگى الدىن الا مالىمەتتەر», دەپ ناقتىلادى يمان ءال-كەيسي.