قازاقستان رەسپۋبليكاسىنىڭ ۇلتتىق بانكى «حالىققا ارنالعان تازارتىلعان التىن قۇيمالاردى ساتۋ مەن ساتىپ الۋ» باعدارلاماسىنىڭ ىسكە قوسىلعانى تۋرالى حابارلايدى.
التىن قۇيمالار ەكىنشى دەڭگەيدەگى بانكتەر ارقىلى ساتىلاتىن بولادى. التىن قۇيمالاردى ەكىنشى دەڭگەيدەگى بانكتەردىڭ تۇتىنۋشىعا كۇن سايىن تولەم جاساۋ ارقىلى كەرى ساتىپ الۋ مۇمكىندىگى ولاردىڭ وتىمدىلىگىن قامتاماسىز ەتۋدىڭ نەگىزگى فاكتورى بولادى.
باعدارلاماعا قاتىساتىن التىن قۇيمالاردى قازاقستان تەڭگە سارايى دايىندادى جانە 10, 20, 50 جانە 100 گرامم بولىپ ءتورت تۇردە ۇسىنىلدى. ماسەلەن, 10 گرامدىق قۇيمالار كۇرەڭ قىزىل, 20 گرامدىق – جاسىل, 50 گرامدىق – كوگىلدىر ءتۇستى ارنايى وراۋمەن جانە 100 گرامدىق قۇيمالار – التىن تۇستەس وراۋمەن ۇسىنىلدى.
ءاربىر قۇيما قورعانىش ەلەمەنتتەرىمەن (قۇيمالاردىڭ تەگىس بەتى, ميكروماتىن جانە بەدەرلى قىر) جانە قۇيمالاردى مەحانيكالىق ب ۇلىنۋدەن قورعايتىن جانە وراۋدىڭ اشىلعان-اشىلماعانىن وڭاي تەكسەرۋگە مۇمكىندىك بەرەتىن ارنايى وراۋمەن شىعارىلادى.
قورعانىش وراۋ دا قۇيمانىڭ ساپا سەرتيفيكاتى بولىپ تابىلادى. سوندىقتان, قۇيمانى ۇقىپتاۋ ساقتاۋ جانە وراۋىن اشپاۋ ۇسىنىلادى.
LS: قازاقستان التىن قورى كولەمى بويىنشا الەمدەگى ەڭ باي 15 ەلدىڭ قاتارىنا كىرمەك
قازاقستان رەسپۋبليكاسى ۇلتتىق بانكى التىن قورىن كوبەيتىپ جاتىر. بۇل تۋرالى باس بانكير دانيار اقىشەۆ مالىمدەدى.
ونىڭ ايتۋىنشا, باس بانك ەلدىڭ ىشكى نارىعىنان التىن ساتىپ الۋدى جالعاستىرا بەرەدى. بۇل تۇرعىدا وندىرۋشىلەر ءۇشىن دە وسى ءتيىمدى بولىپ تۇر.
ء“بىز ەلدىڭ ىشكى نارىعىنان اففيناجدى التىن ساتىپ الۋدى كۇشەيتە تۇسەمىز. وسى ورايدا, التىن شىعارۋشىلاردىڭ دا جوسپارلارى ۇلكەن ەكەنىن بىلەمىن”, – دەدى اقىشەۆ.
قازىرگى تاڭدا, اقىشەۆتىڭ مالىمەتىنشە, ەلدىڭ التىن قورىنىڭ كولەمى 260 تونناعا جەتەدى.
«الداعى 10 جىلدا ءبىز الەم بويىنشا التىن رەزەرۆى ەڭ كوپ 15 ەلدىڭ قاتارىنا كىرەمىز» دەدى اقىشەۆ.
ايتا كەتەيىك, قازىرگى تاڭدا قازاقستان التىن قورى بويىنشا الەمدە 21-ءشى ورىندا.
Naryk.kz: قازاقستاندا نەسيە مەن دەپوزيتتىڭ پايىزدىق مولشەرلەمەسى تومەندەيدى
قازاقستاننىڭ قارجىگەرلەر قاۋىمداستىعىنىڭ مالىمەتىنشە, قازاقستان رەسپۋبليكاسى ۇلتتىق بانكىنىڭ الداعى 5 شىلدەدەگى وتىرىسىندا بازالىق مولشەرلەمەنى ازايتۋ تۋرالى شەشىم قابىلدانۋى ىقتيمال.
ەگەر وسىنداي شەشىم قابىلداناتىن بولسا, ەلدەگى بانك سەكتورىنىڭ پايىزدىق مولشەرلەمەلەرى تومەندەيدى. بۇل نەسيەگە دە, دەپوزيتكە دە قاتىستى, دەپ حابارلايدى قاۋىمداستىقتىقتىڭ رەسمي سايتى.
ايتپاقشى, تاياۋدا قاۋىمداستىقتىڭ جاريالاعان نەسيە جانە دەپوزيت نارىعى تۋرالى شولۋدا ەكىنشى دەڭگەيلى بانكتەر قازىردىڭ وزىندە دەپوزيتتەردىڭ پايىزدىق مولشەرلەمەسىن تومەندەتۋ تۋرالى شەشىم قابىلداپ قويعانى ايتىلادى.
ماسەلەن, فورتە بانك دەپوزيتىنىڭ پايىزدىق مولشەرلەمەسى تەڭگەمەن 13%-دان 11,5%-عا, دوللارمەن 1,5%-دان 1%-عا, ال ەۋرومەن 0,25%-دان 0,1%-عا ازايتقان.
الفا بانك بولسا, دەپوزيتتىڭ مولشەرىن تەڭگەمەن 11%-دان 10,5%-عا, ال ۆتب 9%-دان 8%-عا ازايتقان.
ءوز كەزەگىندە ەۋرازيالىق بانك كەرىسىنشە, دەپوزيتتىڭ پايىزدىق مولشەرلەمەسىن تەڭگەمەن 12%-دان 13,1%-عا ارتتىرعان.
Abctv.kz: قازاقستان كىشىگىرىم مۇناي-كەن ورىندارىنداعى ءوندىرىستى ازايتادى
قازاقستان تەڭىز, قاراشىعاناق جانە قاشاعان كەن ورىندارىنداعى مۇناي وندىرىسىنە باسىمدىق بەرۋدى جوسپارلاپ وتىر.
قازاقستانداعى ورتا جانە شاعىن مۇناي كەن ورىندارىنداعى ءوندىرىس كولەمى 2020 جىلعا دەيىن 33,2 ملن تونناعا ازايادى. قازىر بۇل كورسەتكىش 36 ملن توننانى قۇراپ وتىر. مۇنى قر ەنەرگەتيكا ءمينيسترى قانات بوزىمباەۆ مالىمدەدى.
مينيسترلىگىنىڭ مالىمەتىنشە, الداعى ۋاقىتتا بارلاۋ مەن وندىرۋگە بولىنەتىن قارجى كولەمى ۇلعايادى. بۇل ءوز كەزەگىندە ءۇش جاقتان پايدالى: مۇناي ءوندىرىسى ارتادى, جاڭادان 20 مىڭ جۇمىس ورنى اشىلادى جانە جوبانىڭ جالپى قۇنىنىڭ 32%-نا تەڭ كەلەتىن ينۆەستيتسيا تارتىلادى.
2016 جىلى اشىلعان قاشاعان كەن ورنى ەكى ايدىڭ ىشىندە ءوندىرىس قۋاتىن 1 ملن تونناعا جەتكىزسە, بيىل تاعى 5 ملن توننا مۇناي مەن 3,1 تەكشە مەتر گاز وندىرمەك. 2016 جىلى كەن ورنىنداعى ءوندىرىس كولەمى جوسپارلى 75,5 ملن توننادان 78 ملن تونناعا ۇلعايتىلسا, 2017 جىلى بۇل كورسەتكىش 81 ملن تونناعا جەتكىزىلمەك.
«سوڭعى ءۇش جىلداعى مۇناي قورىنىڭ ءوسىمى 196 ملن توننا دەپ كورسەتىلگەنىمەن قايتا ەسەپتەۋ كەزىندە 126 ملن توننا بولدى. ال بارلاۋ قورىتىندىسى تەك 70 ملن توننا ەكەنىن كورسەتتى. جەر قويناۋىن پايدالانۋ سالاسىنداعى گەولوگيالىق بارلاۋدى جەتىلدىرۋ ءۇشىن ەنەرگەتيكا مينيسترلىگى «جەر قويناۋىن پايدالانۋ تۋرالى» جانە «سالىق تۋرالى» كودەكسكە وزگەرىس ەنگىزدى. بۇل وزگەرىستەر قىركۇيەكتە پارلامەنتتىڭ قاراۋىنا ۇسىنىلادى», – دەدى مينيستر.
Vlast.kz: ءابۋ دابي پلازانىڭ قاشان اشىلاتىنى بەلگىلى بولدى
ءابۋ دابي پلازا كوپفۋنكتسيونالدى كەشەن كەلەسى جىلى تولىعىمەن پايدالانۋعا بەرىلەدى, دەپ مالىمدەدى جۋرناليستەرگە ينۆەستيتسيالار جانە دامۋ ءمينيسترى جەڭىس قاسىمبەك.
ء«تورت عيماراتتىڭ ۇشەۋى بيىل پايدالانۋعا بەرىلەدى. ەڭ بيىگى كەلەسى جىلى اياقتالادى» دەدى قاسىمبەك.
ونىڭ ايتۋىنشا, عيمارات باستاپقىدا جوسپارلاعانداعىداي سالىنباق.
«عيماراتتىڭ بيىكتىگى سول باستاپقى جوسپارلاعانداي بولادى» دەدى مينيستر.