بۇگىن استانادا قالا اكىمدىگىنىڭ ۇيىمداستىرۋىمەن Open Air شوۋ-كونتسەرتى ءوتىپ جاتىر. وسى كەشتە ونەر كورسەتكەن قايرات نۇرتاس شىعارماشىلىقتاعى سوڭعى جاڭالىقتارىمەن ءبولىستى. ءانشىنىڭ ايتۋىنشا, قازىر ول ءتۇسىرىپ جاتقان «كەلىن» رومانتيكالىق كوركەم ءفيلمىنىڭ ءتۇسىرىلىم جۇمىستارى اياقتالىپ قالعان. ءانشىنىڭ ايتۋىنشا, فيلم كۇزگە سالىم كوپشىلىك نازارىنا ۇسىنىلادى. فيلم رەجيسسەرى قايرات نۇرتاس كينودا فۋتبولشى ءرولىن سومداپ, ءوزىن جاڭا قىرىنان كورسەتپەك.
– العا قويعان ماقساتتارىم رەتىمەن ورىندالىپ جاتىر. كوپتەگەن جاڭا اندەر جازدىردىم. كۇزگە قاراي جەكە كونتسەرتىمدى دە وتكىزبەكپىن, – دەيدى قايرات نۇرتاس.
مەرەكەلىك كەشتى تاماشالاۋعا كەلگەن 50 مىڭعا جۋىق قالا تۇرعىنى مەن قوناقتاردىڭ باسى «قازاق ەلى» مونۋمەنتى الاڭىندا توعىستى. الۋان ءتۇرلى شىعارماشىلىق توپ شوعىرلانعان كونتسەرتكە قايرات نۇرتاس, گليۋكوزا, تورەعالي تورەالى, موت, اننا سەمەنوۆيچ, دجيگان, الەكسەەۆ, «ۆينتاج» سياقتى تمد ەلدەرىنىڭ تانىمال ەسترادا انشىلەرى قاتىسىپ, استانالىقتارعا سەرپىلىس پەن كوتەرىڭكى كوڭىل-كۇي سىيلادى.
ايا ءومىرتاي,
«ەگەمەن قازاقستان»