جالپىۇلتتىق تاريحي سانانى قالىپتاستىرۋعا, ۇلتتىق بىرلىكتى نىعايتۋعا, تاريحي جادىنى جاڭعىرتىپ, كەلەر ۇرپاققا ميراس ەتۋگە, سونداي-اق, وسى ماقساتتاعى ازاماتتىق قوعام مەن مەملەكەت اراسىنداعى ىقپالداستىقتى ارتتىرۋعا ۇلەس قوسۋ ماقساتىندا ۇيىمداستىرىلعان بۇل شارا قازاقستان حالقى اسسامبلەياسىنىڭ باستاماسىمەن 2010 جىلدان بەرى ۇيىمداستىرىلىپ كەلەدى.
بيىلعى فورۋم جۇمىسى وبلىستاعى 15 مەكەمە مەن ءبىلىم بەرۋ ۇيىمدارىندا وتكىزىلگەن بەيبىتشىلىك ساباقتارىنان باستاۋ الدى.
فورۋم اياسىندا «تاريحي جادى جانە تاعىلىم – رۋحاني جاڭعىرۋدىڭ نەگىزى» اتتى حالىقارالىق عىلىمي-پراكتيكالىق كونفەرەنتسيا ءوتتى.
سونداي-اق, «الجير» دەرەكتى ءفيلمىنىڭ كورسەتىلىمى; «قازاقستان تاريحى. قۇجاتتار مەن ماتەريالدار (1917–2012)» حرەستوماتياسىنىڭ تانىستىرىلىمى; «تار جولتايعاق كەشۋ» تاريحي-دەرەكتى كورمەسى; مۇمكىندىگى شەكتەۋلى بالالارعا ارنالعان «قايىرىمدى ەل» قايىرىمدىلىق شاراسى; سىرداريا اۋدانى ناعي ءىلياسوۆ اتىنداعى اۋىلدىڭ قوعامدىق كەلىسىم كەڭەسىنىڭ جۇمىسىنا قاتىسۋ سىندى بىرقاتار شارالارعا قاتىستى.
سونىمەن بىرگە, فورۋم دەلەگاتتارى اشارشىلىق جانە ساياسي قۋعىن-سۇرگىن قۇرباندارىنا ارنالعان, قايتا جاڭارتىلعان مەموريالدىق ەسكەرتكىش جانىندا وتكەن «ازالى تاريحقا تاعزىم» اتتى ميتينكە قاتىستى.