ۇكىمەتتە قر پرەمەر-ءمينيسترى باقىتجان ساعىنتاەۆتىڭ توراعالىعىمەن مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ اياسىندا استانادا ستارتاپ-حاب قۇرۋ ماسەلەسى جونىندە كەڭەس ءوتتى.
كەڭەس بارىسىندا استانا حالىقارالىق قارجى ورتالىعى (احقو) اياسىندا ەكسپو-2017 نىساندارىنىڭ ءبىرىنىڭ نەگىزىندە حالىقارالىق ءىت-ستارتاپتار تەحنوپاركىن قۇرۋ بويىنشا جول كارتاسىنىڭ ماسەلەلەرى تالقىلاندى.
كەڭەس قورىتىندىسى بويىنشا قر پرەمەر-ءمينيسترى باقىتجان ساعىنتاەۆ بىرقاتار ناقتى تاپسىرمالار بەردى.
ايتا كەتەيىك, ستارتاپ-حاب قۇرۋ "تسيفرلى قازاقستان" جوباسىنا ەنگىزىلگەن.