قوستانايدا زاڭ كريمينولوگياسىنىڭ وزەكتى ماسەلەلەرى تالقىلاندى

ونىڭ جۇمىسىنا اقش, گەرمانيا, رەسەي فەدەراتسياسى مەن قازاقستان رەسپۋبليكاسىنىڭ بەلدى عالىمدارى, قوستاناي وبلىسىنىڭ اكىمى, قر پارلامەنت ءماجىلىسىنىڭ دەپۋتاتتارى, قوستاناي وبلىسى جوعارعى وقۋ ورىندارىنىڭ رەكتورلارى جانە عىلىمي-پەداگوكيكالىق جۇمىسكەرلەرى, مەملەكەتتىك جانە قۇقىققورعاۋ ورگاندارىنىڭ باسشىلارى مەن قىزمەتكەرلەرى, وبلىستىڭ ءبىلىم بەرۋ مەكەمەلەرىنىڭ زاڭگەر ماماندىعىنىڭ ستۋدەنتتەرى مەن كۋرسانتتارى, ۇكىمەتتىك ەمەس ۇيىمداردىڭ وكىلدەرى قاتىستى.  قازاقستان رەسپۋليكاسى باس پروكۋراتۋراسى جانىنداعى قۇقىققورعاۋ ورگاندارى اكادەمياسىنىڭ رەكتورى مىندەتىن اتقارۋشى نايل احمەتزاكىروۆتىڭ «كريمينولوگيالىق بولجام جاساۋدىڭ عىلىمي نەگىزدەرى» اتتى تاقىرىپتاعى بايانداماسى فورۋمنىڭ قاتىسۋشىلارىنىڭ ەرەكشە قىزىعۋشىلىعى مەن ىقىلاسىنا بولەندى.  باياندامادا بىرىگىپ ماڭىزدى كريمينولوگيالىق زەرتتەۋلەر وتكىزۋ ءۇشىن فۋندامەنتالدى نەگىزدەر كورسەتىلگەن. اكادەميانىڭ عىلىمي ەڭبەكتەرى قىلمىستىلىقتىڭ الدىنالۋ مەن ونى تالداۋدىڭ ءتيىمدى جۇيەسىن قۇرۋ ءۇشىن جاقسى نەگىز بولا الادى.  ءوز بايانداماسىندا نايل احمەتزاكىروۆ كونفەرەنتسيا فورماتىنىڭ شەگىندە قوستاناي وبلىسىنىڭ اكىمى مەن پروكۋرورىنا قىسقا جانە ۇزاق مەرزىمدى كەزەڭگە وبلىستاعى قىلمىستىلىق جاعدايىنا كريمينولوگيالىق بولجام جاساۋدى ۇسىندى.  «بۇل اكادەمياعا ۇزاق مەرزىمدى تالداۋلاردى وتكىزۋ قىزمەتىن جۇكتەلۋى دۇرىستىعىنىڭ دالەلى بولىپ تابىلادى.قازىرگى ۋاقىتتا اكادەميا قىلمىستىلىقتى باعالاۋ ءادىسى قۇراستىرىلىپ جاتىر, ول ءوز كەزەگىندە كوپ فاكتورلى بولۋى مۇمكىن» دەدى كونفەرەنتسيا كوتەرگەني ماسەلەنىڭ ماڭىزى تۋرالى زاڭ عىلىمدارىنىڭ دوكتورى, چەليابى مەملەكەتتىك ۋنيۆەرسيتەتىنىڭ قوستانايداعى فيليالىنىڭ پروفەسسورى ا. ميزانباەۆ.  ءنازيرا جارىمبەتوۆا  «ەگەمەن قازاقستان»  قوستاناي