مەملەكەتتiك باسقارۋ ورگاندارى قىزمەتكەرلەرi اراسىندا بۇقارالىق سپورتتى دامىتا وتىرىپ, ولاردى دەنە شىنىقتىرۋ جانە سپورتپەن جۇيەلi تۇردە اينالىسۋعا تارتۋ, سالاماتتى ءومiر سالتىن ناسيحاتتاۋ جانە قىزمەتكەرلەر اراسىندا سپورت ارقىلى دوستىق قاتىناستى ورناتۋ ماقساتىندا ۇيىمداستىرىلعان سپارتاكيادادا مەملەكەتتىك باسقارۋ ورگاندارىنىڭ قىزمەتشىلەرى سپورتتىڭ 10 ءتۇرى بويىنشا سىنعا ءتۇستى. مەملەكەتتىك قىزمەتشىلەر شاعىن فۋتبول, ۇستەل تەننيسى, ءجۇزۋ, ارمرەستلينگ, گىر تاسىن كوتەرۋ, شاحمات, توعىزقۇمالاق, ۇزىندىققا سەكىرۋ, كەرمەگە تارتىلۋ جانە جەڭىل اتلەتيكا بويىنشا ونەر كورسەتىپ, ءوزارا باق سىناستى. سپارتاكياداعا تاراز قالاسى مەن اۋداندار اكىمدىگىنىڭ, سونىمەن قاتار وبلىستىق باسقارمالار مەن دەپارتامەنتتەردىڭ قۇراما كوماندالارىنان جاساقتالعان 578 مەملەكەتتىك قىزمەتشى قاتىستى. جالپىكوماندالىق ناتيجە بويىنشا, تاراز قالاسى اكىمدىگىنىڭ قۇراما كومانداسى 4 التىن, 4 كۇمىس مەدالعا قول جەتكىزىپ, ءبىرىنشى ورىندى جەڭىپ الدى. ال تالاس اۋدانى اكىمدىگىنىڭ قۇراما كومانداسى 4 التىن, 3 قولا مەدالدى قانجىعاسىنا بايلاپ, ەكىنشى ورىندى ەنشىلەسە, جامبىل وبلىسى بويىنشا مەملەكەتتىك كىرىستەر دەپارتامەنتىنىڭ قۇراما كومانداسى 3 التىن, 1 كۇمىس مەدالدى يەلەنىپ, ءۇشىنشى ورىنعا تۇراقتادى. ايتا كەتەيىك, وبلىستىق سپارتاكيادانى قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتى, وبلىستىق دەنە شىنىقتىرۋ جانە سپورت باسقارماسى مەن مەملەكەتتىك بانك مەكەمەلەرى جانە قوعامدىق قىزمەت كورسەتۋ قىزمەتتەرى كاسىپوداعىنىڭ وبلىس بويىنشا فيليالى ۇيىمداستىردى. حاميت ەسامان, «ەگەمەن قازاقستان». جامبىل وبلىسى
تاراز قالاسىنداعى «تاراز-ارەنا» سپورت سارايىندا ەكسپو-2017 حالىقارالىق كورمەسىنە جانە قازاقستان رەسپۋبليكاسى مەملەكەتتiك قىزمەتشىلەر كۇنىنە ارنالعان جەرگىلىكتى مەملەكەتتىك قىزمەتشىلەر اراسىنداعى وبلىستىق سپارتاكياداسى ءوتتى.