سوعىس جانە ىشكى ىستەر ورگاندارى ارداگەرىنە مەموريالدىق تاقتا ورناتىلدى

ارداگەر ىشكى ىستەر ورگاندارىندا 36 جىلدان استام ۋاقىت بويى قىزمەت ەتىپ, اۋداندىق ىشكى ىستەر ءبولىمىن باسقارعان. «ميليتسيا پولكوۆنيگى» جوعارى شەنىنە قول جەتكىزگەن.  قازاقستان پوليتسياسىنىڭ 25 جىلدىعى اياسىندا ۇلى وتان سوعىسىنىڭ جانە ىشكى ىستەر ورگاندارىنىڭ ارداگەرىنە تۋعان جەرى ءۋاليحانوۆ اۋدانىندا ۇلكەن قۇرمەت كورسەتىلدى. ءتۇرلى تانىمدىق ءىس-شارالار ۇيىمداستىرىلدى. جۇرتشىلىق تۇياعىمەن جەر تارپىعان سايگ ۇلىكتەردىڭ جارىسىن, قىز قۋ, تەڭگە الۋ, اۋدارىسپاق سەكىلدى ۇلتتىق ويىنداردى قىزىعا تاماشالادى. جەڭىمپازدارعا باعالى سىيلىقتار, ديپلومدار جانە ەكسپو-2017 كورمەسىنە بيلەتتەر تابىس ەتىلدى.  پوليتسيا ارداگەرلەرى مەن قىزمەتكەرلەرىنىڭ قاتىسۋىمەن اۋداندىق ىشكى ىستەر ءبولىمىنىڭ عيماراتىنا مەموريالدىق تاقتا قويىلدى. اۋدان اكىمى مەدەت وسپانوۆ بۇل ءىس-شارانىڭ جاس ۇرپاقتى تاربيلەۋدەگى ماڭىزىن اتاپ ءوتتى.  «ۋاليحانوۆتىقتار اعا ۇرپاق وكىلىنىڭ ەسىمىن ماقتان تۇتىپ, ۇنەمى ايتىپ جۇرەدى. مۇنداي ازاماتتار ادامگەرشىلىكتىڭ, قىزمەتكە ادالدىقتىڭ جارقىن ۇلگىسى», – دەدى اۋدان باسشىسى.  ۇلتتىق ۇلان ارداگەرلەرى قازاقستاندىق كەڭەسىنىڭ توراعاسى, ميليتسيا گەنەرال-مايورى ومىرزاق بولسامبەكوۆ, اقمولا وبلىسى ىشكى ىستەر باسقارماسىنىڭ بۇرىنعى باستىعى, ءىىو ارداگەرى ۆلاديمير رىبينسكي تانىمدىق ەستەلىكتەر ايتتى.  مارقۇمنىڭ بالالارى دا اكە جولىن جلعىستىرىپ كەلەدى. ۇلى بولات – پوليتسيا پولكوۆنيگى. ول «وب وتتسە ي ەگو ۆرەمەني» اتتى كىتاپ جازىپتى.  قويشىبەك اعامىز ەڭبەك قىزىل تۋ, «قۇرمەت بەلگىسى» وردەندەرىنىڭ يەگەرى. باسقا دا ماراپاتتارى جەتەرلىك.  ايتۋلى مەرەكەگە اقجار, تايىنشا, ايىرتاۋ اۋداندارىنىڭ ارداگەرلەرى دە شاقىرىلىپ, سىي-سياپات كورسەتىلدى.