«جاسىل ەنەرگەتيكا» سالاسىنداعى العاشقى پيلوتتىق جوبا ماڭعىستاۋ اۋدانىنىڭ شەتپە سەلوسىندا ورنالاسپاق. 2018 جىلدىڭ العاشقى توقسانىندا قولدانىسقا بەرىلەدى دەلىنگەن جوبانى جۇزەگە اسىرۋ بارىسىندا 70-80 جەرگىلىكتى تۇرعىن جۇمىسپەن قامتىلادى, ال جوبا ىسكە قوسىلعان كەزدە ستانسادا جۇمىس جاساۋ ءۇشىن 50 ماڭعىستاۋلىق تۇرعىندى ارنايى وقىتۋ كوزدەلۋدە. جوباعا قازاقستان, فرانتسيا جانە قىتاي ەلدەرى اتسالىسادى. «فرانتسۋزدىق كومپانيا تەحنولوگيالىق جاعىنا جاۋاپ بەرسە, قىتايلىقتار قۇرىلىس پەن ينۆەستيتسيعا قاتىسادى. جوبانىڭ ءبىرىنشى كەزەڭىن سالۋ 20 ملن. دوللار دەپ باعالانۋدا. كۇن ەلەكتر ستانساسى ءۇشىن ماڭعىستاۋ ءوڭىرى تەكتەن-تەككە تاڭدالىپ وتىرعان جوق. بىرىنشىدەن, ايماق بەلسەندى دامۋدا, ەكىنشىدەن, مۇندا كۇن ساۋلەسى مول. قىستا قار قالىڭ بولمايدى. بۇل -دامۋ بولاشاعى زور, ءارى قاجەتتى پيلوتتىق جوبا», – دەدى فرانتسۋزدىق «ەسم Technologies» كومپانياسى پرەزيدەنتىنىڭ كەڭەسشىسى ازات بەتەكباەۆ. گۇلايىم شىنتەمىرقىزى, «ەگەمەن قازاقستان». اقتاۋ.
ماڭعىستاۋ وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسى مەن فرانتسيالىق «ەسم Technologies» كومپانياسى 12 مۆت كۇن ستانساسىنىڭ قۇرىلىسى بويىنشا حاتتاماعا قول قويدى.